Noqu Vakadinadina

Mai vei Chloe C., yabaki 9, Southern Region, Malawi

Na yacaqu o Chloe, kau sa yabaki ciwa. Na noqu ka taleitaki na qito tenisi, lagasere, ka vakaitokani.

Au taleitaka na tiko e valenilotu, kau taleitaka meu veivuke ena noqu kalasi ni Lalai. E vakavuna meu lomavinaka kina. Au taleitaka meu qaravi ira talega na tani. Au lomana vakalevu na noqu vuvale. Au a vukei Ana na taciqu gone me vulica na vodo basikeli. Ena so na gauna au dau vukei tinaqu na masi iyayanikau.

Au taleitaka talega meu wilika na iVola i Momani kei na noqu matavuvale. Ena dua noqu wilika na italanoa kei Amoni, au a vakila na Yalo Tabu e yaloqu. Ena bogi oya, au wasea vei iratou na noqu matavuvale, “Au sa kila na vuna era kaya kina na tamata ni dina na iVola i Momani.” Au vakila e yaloqu ni sa yaco dina na italanoa keirau wilika tiko mai na iVola i Momani.

Au kila ni dina na Lotu. Au kila ni dina na italanoa ena iVola i Momani. Au kila nira sa kacivi mai vua na Kalou na parofita. Au kila ni sa rawa ni vukei keda na daukaulotu meda muri Jisu. Ena yacai Jisu Karisito, emeni.