Salamu kutoka Thailand!

Jifunze kuhusu watoto wa Baba wa Mbinguni ulimwenguni kote.

Thailand ni nchi iliyopo Kusini Mashariki mwa Asia. Takribani watu milioni 72 wanaishi huko.

Lugha

Kithai ndiyo lugha rasmi ya nchi. Alfabeti za Kithai zina herufi 72.

Kwa Kithai, unaweza kumkaribisha rafiki kwa kusema, “kin khao reu yang.”

Ina maana, “Je, umeshakula?”

Sherehe za Songkran

Watu wa Thailand husherehekea mwaka mpya wao kwa mchezo mkubwa ulimwenguni wa kupigana kwa maji. Wanarushiana maji ili kukumbuka kuosha mambo mabaya. Sherehe hudumu kwa siku tatu!

Pango la Chuimilia

Hekalu la Pango la Chuimilia ni hekalu la Kibudha ambapo watu wengi huabudu na kusali. Ili kulifikia, lazima upande ngazi 1,260 kuelekea juu mlimani. Kuna alama za nyayo za chuimilia ndani ya pango!

Masoko Yanayoelea

Nchini Thailand, watu huweza kufanya manunuzi kwenye mashua za mtoni, kama vile maduka madogo yanayoelea. Mito ni njia mojawapo ya kusafiri kuzunguka mji mkuu. Majengo mengi yapo juu ya nguzo ili yawe juu ya maji.

Shughuli

Mkia Uliogongwa na Nyoka

Chagua mtu mmoja awe nyoka wa 1 na mwingine nyoka wa 2. Wengine wote wanasimama nyuma ya nyoka wa 1 na kumshikilia mtu aliye mbele yao. Nyoka wa 2 anajaribu kumpita nyoka wa 1 na kumfanya mtu wa mwisho kwenye mstari aachilie. Yeyote anayeachilia anatoka mchezoni!

Maelezo ya upishi

Som Tam

Saladi ya papai la kijani ni maelezo maarufu ya upishi nchini Thailand. Hapa ni toleo unaloweza kujaribu!

1. Ndani ya bakuli kubwa, changanya kijiko cha chai 1 ½ cha sukari ya nazi (au sukari ya kahawia), kijiko cha chai 1 ½ cha sosi ya samaki (au soy sosi), na vijiko 2 vya chai vya maji ya ndimu . Koroga mpaka sukari iyeyuke.

2. Saga mbegu 2 za kitunguu saumu na pilipili kichaa nyekundu 1 au zaidi. Katakata maharage 3 ya kijani. Kata nyanya 1 katika umbo la kabari.

3. Menya papai moja la kijani (au matufaha 3 ya kijani). Saga au kata katika vipande vidogo vidogo.

4. Ongeza kila kitu kwenye bakuli na changanya.

Shukrani kwa Familia ya Panya kwa kushiriki maelezo haya ya upishi!

Vielelezo na Mackinzie Rekers