Shughuli za Njoo, Unifuate

Kwa ajili ya jioni ya nyumbani au kujifunza maandiko—au kwa ajili ya burudani tu!

Januari 1–7

Ushuhuda Wako

Vielelezo na Katy Dockrill

Kwa ajili ya Kurasa za Utangulizi za Kitabu cha Mormoni

Kitabu cha Mormoni mwanzoni kiliandikwa kwenye mabamba ya dhahabu. Watu walioyaona mabamba waliandika kwamba walijua kilikuwa cha kweli (ona Ushuhuda wa Mashahidi Watatu na Ushuhuda wa Mashahidi Wanane). Andika au chora ushuhuda wako mwenyewe wa Kitabu cha Mormoni na uweke ndani ya maandiko yako.

Kwa ajili ya watoto wadogo: Jengeni mnara pamoja. Zungumza kuhusu jinsi tunavyojenga ushuhuda wetu wa Baba wa Mbinguni na Yesu Kristo kipengele kimoja baada ya kingine.

Januari 8–14

Kushiriki Hazina

Kwa ajili ya 1 Nefi 1–5

Maandiko ni hazina kuu (ona 1 Nefi 5:21). Chora baadhi ya maumbo ya johari kwenye karatasi na yakate. Mwombe kila mtoto aandike andiko la Kitabu cha Mormoni juu ya johari. Changanya johari na fanyeni zamu kuchagua moja na kusoma kila andiko.

Kwa ajili ya watoto wadogo: Fundisha kwa mfumo wa onesha na elezea kwa kutumia wanasesere au vitabu wanavyovipenda watoto wako wadogo. Waambie kwamba wanaweza kuyafanya maandiko yawe moja ya mambo yao pendwa kwa kuyasikiliza na kujifunza hadithi.

Januari 15–21

Mabamba Rahisi Kueleweka na yenye Thamani

Kwa ajili ya 1 Nefi 6–10

Bwana alimwambia Nefi atengeneze seti nyingine ya mabamba kwa kusudi maalumu na lenye hekima (ona 1 Nefi 9). Tengeneza seti yako mwenyewe ya mabamba kwa kutumia karatasi iliyokunjwa au vipande vya ubao mgumu. (Unaweza hata kufunika karatasi yako au ubao mgumu kwa kutumia foili ya aluminiamu!) Andika au chora kile unachojifunza kutoka kwenye Kitabu cha Mormoni kwenye mabamba yako.

Kwa ajili ya watoto wadogo: Imbeni wimbo “Ujasiri wa Nefi” kwenye ukurasa wa 13. Kila wakati mnapoimba maneno “kwenda” au “kufanya,” rukeni juu hewani!

Januari 22–28

Upendo wa Mungu

Kwa ajili ya 1 Nefi 11–15

Soma hadithi ya maandiko kuhusu ndoto ya Lehi kwenye ukurasa wa 26. Sasa chora mti. Mruhusu kila mwanafamilia aongeze jani kwenye mti na aseme kitu kimoja ambacho Baba wa Mbinguni ametupatia ambacho kinaonesha kwamba anatupenda.

Kwa ajili ya watoto wadogo: Upendo wa Baba wa Mbinguni ni kama nuru gizani. Zima taa na weka nuru ndogo upande mmoja mwisho wa chumba. Tembea kuifuata ukiwa na watoto wako wadogo.