“Te Marooro ma Alan ibukin Taekan te Onimaki,” Rao, Turai 2024, 40–41.

Te Marooro ma Alan ibukin Taekan te Onimaki

Alan bon kain Málaga, Spain. Ti titirakinna tabeua titiraki bwa e kanga n reiakina Taekan te Onimaki.

Taekina rongorongom nakoira.

Te ataeinimwaane ni kootin te lab ma te biika

Ai waniua au ririki ni maiu. Ngkana I ikawai, I tangiria bwa N na riki bwa te tia rabakau n te tiaenti ae kinaaki. Au kara ae matenanou bon te aoranti, ao kanau ae mamatenanou iai bon te tortillas de patatas (Spanish omelets) ae kakaraoia tibu te unaine.

Ko kanga n reiakina Taekan te Onimaki?

I moan reiakinna man te Moanrinan. Ti aneneia bwa e na buokiira ni kamatenanoa. N tabetai a koreia iaon te burakibooti ara tia reirei ao a kamaunai tabeua taekana. Ti korei naba tamnei ni kabwarabwara te bwai ae nanonaki n taekan nako Taekan te Onimaki are e nanonaki.

I kataneiai naba n taetaekini nakoia au utu i nanon te kaa i aon kawaira nakon te reirei. I buoka naba mwaneu ae uarereke, Maia, n reiakinna naba. E a matenano irouna ake onoua!

E ngaa ae ko tatangiria n Taekan te Onimaki?

Te ataeinimwaane ae tekateka i aon ana taibora ma ana boki ae tangaina<sub></sub>

I tatangira nambwa ruaiwa. Ti kakoauai bwaai nako ake e a tia ni kaoti te Atua, bwaai ni kabane ake E kaoti ngkai, ao ti kakoaua bwa E na manga kaoti bwaai aika mwaiti aika korakora ma ni kakaawaki aika kaineti ma Uean te Atua.” E reirei bwa Tamara are i Karawa iai riki bwaai ibukira aika tina atai teutana i mwiin teutana.

E kanga ni buokiko am atatai n Taekan te Onimaki?

N te bong teuana n te reirei, e titirakinai raraou Sophia bwa tera ae I kakoaua ao ngkana iai au aro. I uringa te moan n Taekan te Onimaki, are e kangai, ““Ti kakoauaa te Atua, te Tama ae Akea Tokina, Natina, Iesu Kristo, ao te Tamnei ae Raoiroi.” Ngaia are I a taekina anne nakoina.

I tuangnga naba bwa ngai te Kiritian ao ngai kain Ana Ekaretia Iesu Kristo ibukiia Aika Itiaki ni Boong aika Kaitira. E ongora irou ao e ota n te bwai are I a tia n taekinna nakoina.

E kanga aron am namakin n am taneiai anne?

I namakina te kukurei ibukina bwa I ataia bwa I a tia n ninikoria n tibwa au koaua ma raoraou. Ibukin au mwakuri korakora n reiakina Taekan te Onimaki, I a kona n tibwa te euangkerio ao n ata te bwai ae N na taekinna.