Man te Moan Beretitentii

Tibwaua Te Bwai are Ko Kakoaua

Iroun Beretitenti Henry B. Eyring

Kauoman ni kauntira n te Moan Beretitentii

Henry B. Eyring

Anaaki man “Te Ataei ao Ana Reirei,” Riaona, Meei 2003, 29–32.

Te Mwaane n te Burakibooti

Tamau naba bon te tia rabakau n te tiaenti. N te taina ngke I wareka te marooro are e anganiia te kurubu ae bubura. I nanona, e taekina te Karikibwai ao te Tia Karikibwai ngke e taekina te tiaenti. I ataia bwa tabeman n te kurubu a tibwaa ana koaua. Ngaia are I taku nakoina ma te mimi, “Tamau, ko tibwa am kakoaua.”

E taraai ma te mimi ni moana ao e taku, “I taekinna?” E aki naba ataia ae e a tia n rang ninikoria. E tii taekina te bwai are e ataia ae koaua.

Ngaira ni kabane ake ti a tia ni bwabetitoaki ti a tia ni berita bwa tina tibwaua te euangkerio. Ti kona n tataro ma te onimaki n namakina ana tangira te Tia Kamaiu ibukira ao ibukiia ni kabane ake ti kaitibo ma ngaiia. Kona rangi ni kukurei n ana Ekaretia te Uea ao Ana mwakuri, ao ane e na oti. Taetaem n te bwai are ko kakoaua bon mwakorom are kaotia bwa antai ngkoe.

Kawai aika Bebete n Tibwatibwa

Ko kona n tibwaua te euangkerio n aro aika a mwaiti! Korea te bwai are ko na taekinna nakoia aomata nako n tibwa te bwai are ko kakoaua. Te moan e a tia ni karaoaki ibukim.

E uara am wiikente?

E raoiroi! I nako n taromauri.

A mwaiti aomata aika a kakaokoro aia kakoaua n aia aro. Tera ae ko kakoaua?

E aoraki tamau. Ko kona ntataro ibukina?

Waaki ni kakukurei n te PDF ni kaotiia ataeinnaine aika uoman ngke a taetae, te ateainnaine ae katea baina n te reirei, ao uoman ataeinimwaane a tabe n taetae

Kamataataan te tamnei iroun Alyssa Tallent