Nakomai, Iriirai Waaki ni Kakukurei

Ibukin bootakin te utu n te tairiki ke kamatebwaian booki aika tabu—ke tii ibukin te kaungaunga!

Turai 1–7

Te Bwai ni Katamaroa i aon Te Baire ni Kakukurei

Ibukin Aramwa 17–22

A uaia n reireia taekan ana babaire Tamara are i Karawa n te babaire ni kamaiu Aaron ao Ammon. A aranna bwa te babaire ni kabomwi (taraa Aramwa 18:36–39 ao Aramwa 22). Rairia nakon iteraniba 12 ni karaoa oin am bwai ni katamaroa i aon te baire ni kakukurei.

Ibukiia ataei aika uarereke riki: Kakaea tamnein natim ngke te merimeri. Katereterei kawai are a rikirake iai man te tai are a moan bungiaki iai! Ngkanne maroroakinna bwa ti kanga ti mena i aon te aba n rikirake bwa mwakoron ana babaire Tamara are i Karawa.

Turai 8–14

Bwaai ni mwakuri ni bain te Atua

Ibukin Aramwa 23–29

E taku Ammon nakoia tarina, “Ti a tia ni karikaki bwa bwaai ni mwakuri ngaira ni bain te Atua bwa ti na kakoroa bukin te mwakuri ae korakora aio.” (Aramwa 26:3). Ikoti bwaai ake ko kona ni kabonganai ni karaoa te bwai ni katangitang. I mwiina karaoa birin te kuna. N ai aron are ti kabonganai bwaai ni karaoa te katangitang, e kabonganaira te Atua bwa tina katea ana Ekaretia Iesu Kristo.

Ibukiia ataei ake a uarereke riki: Karaoa te reirei n te kawai ae aki kangaanga. Kataneiai n rinanona! I mwiina kanakoa te kangaanga ao manga kataia riki. Kabwarabwara bwa e kanga aia Uea Remwanaite ni kanakoi kangaanga ngke Amon ao tarina a tangiria n reireia te euangkerio i abana (Aramwa 23:3).

Turai 15–21

Kauring ni Kaintekateka ni Katangitang

Ibukin Aramwa 30–31

E reirei Aramwa bwa “bwaai ni kabane a kaotia bwa iai te Atua” (Aramwa 30:44). Anne nanona bwa bwai ni kabane ake e kariki te Atua e kauringiira bwa iai Ngaia. Katei kaintekateka ni kamronron ma kaintekateka aika a tau ibukiia aomata nako ma akea ibukin temanna. Angan temanna bwa e na katanga te katangitang ao rineia ngkana e na toki. Ngkana e toki te katangitang, a na tekateka ni kabane iaon te kaintekateka. Te aomata are akea ana kaintekateka e na taekina te bwai teuana are e kauringiia bwa iai te Atua. Reitia nako ni karokoa a bane n reke aia tai.

Ibukiia ataei ake a uarereke riki: Nakonako ni katobibia am auti ke i tinaniku. Taratarai bwaai aika a buokiko bwa ko na kona namakina te kukurei ao ake a kauringko bwa iai Tamara are i Karawa.

Turai 22–28

Karikirakea Am Koaua

Ibukin Aramwa 32–35

E reirei Aramwa bwa ngke ti kakauongo n ana taeka te Atua ao ti karaoi bwaai ni kaotia bwa ara onimaki, koaua e na rikirake, n aron te aroka (taraa Aramwa 32:37). Korei tamnein bwaai ake ko na kona ni karaoi ni buoka te aroka bwa e na rikirake, n aron anganikina te ran ao otan taai. Ngkanne korei tamnein bwaai ake ko na kona ni karaoi ni buoka am koaua bwa e na rikirake, n aron te nako n taromauri ao te tataro.

Ibukiia ataei ake a uarereke riki: Anenea “Faith” (Aia Boki n Anene Ataei, 96). Ngkai ko anene, karaoi mwakuri ake ko kaotia bwa e rikirake te koraa ni bubura ao n rietaata. Maroroakina taekan rikiraken am kakoaua.

Kamataataan korotamnei iroun Katy Dockrill