“E Talafeagai Lava mo Zack,” Uo, Oketopa 2024, 16–17.
E Talafeagai Lava mo Zack
O lenei tala sa tupu i le ISA.
E fiafia Zack e tamoe, osooso, ma taalo. O Zack e iai fo’i le faaletonu o le faagaioiina o le mafaufau.
Mo Zack, o lona uiga e le fiafia o ia i le pisapisao leotele. Ma e fiafia o ia e faia mea lava ia e tasi i aso uma.
O aoauli uma lava e taalo ai o ia i le vaalele toi lava e tasi.
O po uma lava na te faitauina ai le tala lava lea e tasi i le taimi e moe ai.
Ma o Aso Sa uma lava e nofo ai o ia i le nofoa lava e tasi i le taimi o le Peraimeri.
I se tasi aso i le lotu, sa faataitai uma ai tamaiti mo le polokalama a le Peraimeri i le falesa. Sa matuai ese lava lenei mea!
E le fiafia Zack pe a ese mea uma.
Sa faatu o ia e Tina i le laina pito i luma ina ia maua ai se avanoa e migoi solo ai.
Sa tu lana uo i ona autafa e fesoasoani ia te ia ia maua se lagona lelei.
Sa tuu atu e lona faiaoga ia te ia ni meafaalogo e faafilemu ai mea uma. Ae sa le fiafia lava Zack.
Ona maua lea e le faatonu o musika ma le peresitene o le Peraimeri se manatu.
O le galuega faapitoa a Zack sa talafeagai lava mo ia! Sa fiafia o ia e lagona le alofa o le Tama Faalelagi.
Ata na tusia e Natalie Briscoe