O Gaoioiga o le Sau, Mulimuli Mai ia te A’u

Mo afiafi faaleaiga po o le suesueina o tusitusiga paia—pe tau lava o se mea manaia!

30 Setema–6 Oketopa

Pusa o Oa

Mo le 3 Nifae 12–16

“Ona o le mea e i ai lau oa, o iina o le a i ai foi lou loto.” (Nifae 13:21). Teuteu se pusa i fatu ma ata o le Faaola. Ona tusi lea pe lolomi ai mea e mafai ona e faia e avea ai faapei o Ia ma tuu i lau pusa oa fou. E mafai ona e vaavaai i lau pusa i Aso Sa taitasi e faamanatu atu ai ia te oe e mulimuli ia Iesu i lena vaiaso!

Mo tamaiti laiti: Fesoasoani i lau tama e sue le tātā o lona fatu po o le tātā foi o lou fatu. Talanoa e uiga i le lē mafai ona tatou vaai i o tatou loto ae e mafai ona tatou lagonaina. I se tulaga tutusa, e le mafai ona tatou vaai i le Atua ae e mafai ona tatou lagonaina Lona alofa.

7–13 Oketopa

Manatuaina o Iesu Keriso

Mo le 3 Nifae 17–19

Ua tufatufa atu e Iesu Keriso le faamanatuga i le au sa Nifaē Sa Ia aoaoina i latou e aai ma feinu ina ia mafai ona latou maua pea Lona Agaga faatasi ma i latou (tagai i le 3 Nifae 18:7). Alu i le itulau e 19 e fai ai se galuega taulima e tautau i le faitotoa e fesoasoani ia te oe e manatua ai Iesu i le aluga o le vaiaso.

Mo tamaiti laiti: Faitau leotele le mau 3 Nifae 18:7 i lau fanau laiti. Fai atu ia i latou e tuu o latou lima i luga o o latou fatu i taimi uma latou te faalogo ai i le upu “manatua.” Talanoa e uiga i le auala e mafai ona e manatua ai Iesu Keriso.

14–20 Oketopa

Tausia o se Faamaumauga

Mo le 3 Nifae 20–26

Sa ta’u atu e le Faaola i le au sa Nifaē e tausia se faamaumauga o mea na Ia aoaoina ai i latou ma mea na tutupu ia i latou (tagai i le 3 Nifae 23:4, 7–13). Tusi ata pe tusi e uiga i se mea lelei na tupu ia te oe i lenei vaiaso. O faapefea ona taialaina oe e le Tama Faalelagi?

Mo tamaiti laiti: Usu le pese “E Mafai Ona Faavavau Aiga” (Tusipese a Tamaiti, 98). Valaaulia lau fanau laiti e faasoa mai se mea se tasi latou te fiafia i ai e uiga i lo latou aiga.

21–27 Oketopa

O lesu e Aumaia le Olioli

Mo le 3 Nifae 27–4 Nifae

I le 4 Nifae, sa olioli sa Nifaē ona sa latou mulimuli ia Iesu Keriso (tagai i le 4 Nifae 1:15–16). Ia feauauai i le faatinoina ma lē leoa o mea e te faia e mulimuli ai i le Faaola e aumaia ai ia te oe le olioli. Fai atu i isi tagata uma e mate mai le mea o loo faatinoina e le tagata.

Mo tamaiti laiti: Faaali atu i lau fanau laiti ni ata o tagata o loo ataata. Valaaulia i latou e faataitai o latou foliga fiafia! Talanoa e uiga i le auala na fiafia ai sa Nifaē ina ua latou mulimuli ia Iesu Keriso.

O ata na tusia e Katy Dockrill