Lelei Atili i Aso Taitasi

Saunia e Heber A., 8 tausaga, Praia, Cape Verde

Ou te fiafia e faitauina tusitusiga paia! Ina ua fausia le malumalu fou i Cape Verde, sa ou fesoasoani i le fale tatala o le malumalu. Sa ou manao ia ou saunia e asiasi i le malumalu, o lea sa ou faitau ai i le Tusi a Mamona ma faamaeaina faatolu le tusi ata o le Feagaiga Tuai.

O le taimi nei ua amata ona ou faitauina le Mataupu Faavae ma Feagaiga. E tele mea e uiga i malumalu o i ai iina! Ae o tala faatusipaia e lua ou te fiafia lava i ai e mai le Tusi a Mamona, e uiga ia Amona ma le Taitai’au o Moronae. Ou te fia faapei o i la’ua. O le faitauina o tusitusiga paia o le auala lea ou te mulimuli ai ia Iesu Keriso.

Ou te mulimuli foi ia Iesu Keriso e ala i le taumafai e ausia au sini. O a’u sini faaleagaga o le saunia lea mo le lotu ia aua nei tuai ma faitau le Tusi a Mamona. O a’u sini faaletino o le faataitai lea o le karate ma le soka. O a’u sini faaleatamai o le faitau lea o le Tusi a Mamona ma aoao le gagana Peretania. Ma le mea mulimuli, o la’u sini faaagafesootai o le fesoasoani lea i taimi uma i a’u uo. O a’u sini e fesoasoani ia te a’u ia ou lelei atili ai i aso taitasi!