“O Se Tali mo Oliva,” Mo le Malosi o le Autalavou, Ian. 2021, 12–13.
Sau, Mulimuli Mai ia te A’u
O Se Tali mo Oliva
Sa sau Oliva Kaotui e nofo i le fale o Iosefa le Matua ma Lusi Maka Samita a o faiaoga o ia i le aoga na lata ane i le faatoaga [a le au Samita].
Sa faalogo Oliva e uiga i lo la atalii o Iosefa ma papatusi auro. Sa ia fia iloa atili.
Sa matuai manao Oliva ia iloa pe na faapefea ona tuu mai e le Atua le mana ia Iosefa e faaliliu ai papatusi auro.
Ou te fia fesoasoani i le faaliliuga.
E tuua loa le aoga, ou alu loa e fesoasoani ia Iosefa.
E tatau ona e tatalo ma ole atu i le Alii pe o se mea sao lena mo oe.
O lena po sa tatalo ai Oliva ma fesili atu i le Alii po o le a le mea e tatau ona ia faia.
Na lagona e Oliva le filemu ina ua ia tatalo e uiga i le fesoasoani ia Iosefa e faaliliu.
Na lei umi ae alu loa Oliva e feiloai ia Iosefa Samita. Sa la o faatasi ma Samuelu le uso o Iosefa.
Iosefa, ua ou sau e fesoasoani atu. E mafai ona avea a’u ma au tusiupu.
Faafetai tele. Ou te faafetai mo lau fesoasoani.
Ua amata le faaliliuga e Iosefa ma Oliva. O lenei aafiaga sa matua faafiafiaina ai Oliva, ae sa i ai pea ni ana fesili.
I se tasi aso, na maua ai e Iosefa se faaaliga mo Oliva e faamanatu mai ai ia te ia le tali o lana tatalo.
“E moni, e moni, Ou te fai atu ia te oe, afai e te manao i se isi molimau, liliu ane lou mafaufau i le po na e tagi mai ai ia te aʼu i lou loto, ina ia mafai ona e iloa e uiga i le moni o nei mea.
“Ou te lei tautala atu ea le filemu i lou mafaufau e uiga i le mataupu? O le a se molimau sili atu e mafai ona e maua mai lo lena mai le Atua?”1
Sa ou tatalo ia iloa pe tatau ona ou sau e fesoasoani ia te oe, ma sa ou lagonaina le filemu. E leai se tasi e mafai ona iloa se mea e uiga i lenei mea vagana ai le Atua.
Sa mautinoa e Oliva e moni le galuega. Sa la faamaeaina ma Iosefa le faaliliuga lea na avea ma Tusi a Mamona.