Fesili ma Tali

“E taaalo au uo uma i taaloga vitio ua fuaina mo le tupulaga, ae ou te filifili e le auai. Pe LELEI taaloga ua fuaina mo le tupulaga?”

“Ioei e lelei le matamata i faafiafiaga e lelei po o le mauaina o faamatalaga e fiafia i ai. Ae e le o mea uma o na ituaiga e aoga mo le vaega o lo tatou olaga tatou te faaaluina ina ia maua ai. O nisi mea e lelei tele, ae o isi e silisili ona lelei.”

Peresitene Dallin H. Oaks, Fesoasoani Muamua i le Au Peresitene Sili, konafesi aoao Oke. 2007 (Ensign po o le Liahona, Nov. 2007, 105).

Tulaga Faatonuina o le Lalolagi

“Ou te filifili foi e le taalo i taaloga ua fuaina mo le tupulaga. O nisi e mafai ona malie, ae e te le iloa lava le mea e mafai ona tupu. Matou te taaalo i ni taaloga malie ma lou aiga, ma e sili atu ona lelei ou lagona e uiga i le lē taalo i ni taaloga ua fuaina mo le tupulaga. O tulaga faatonuina ua i ai i le lalolagi i aso nei e le tutusa ma tulaga faatonuina a le Atua, ma ou te fia pei o Ia.”

Payton D., 13, Nevada, ISA

Faalogo i le Agaga

“Pe o i ai i taaloga vitio ni gagana masoa pe lē tauagafau? E tatau ona tatou taumafai e aloese mai nei mea, ona o nei mea e tuliese ai le Agaga. O faiga faatupu vevesi e mafai foi ona tuliese ai le Agaga. Ia mafaufau ma le faaeteete ma le agaga tatalo pe mafai ona e lagonaina le Agaga i lou olaga pe a e taalo soo i nei taaloga.”

Miriana B., 18, Uosigitone, ISA

Sui o Iesu Keriso

“E taua le manatua ua tatou tauaveina le suafa o Iesu Keriso i o tatou luga, o lona uiga o i tatou o Ona sui. I mea uma tatou te faia, e tatau ona tatou fesili ifo ia i tatou lava pe o tatou faatinoina e pei o Ia pe a tatou faalatalata atili atu ia te Ia.”

Brandon K., 17, Ohaio, ISA

Lelei, Lelei Tele, Lelei Silisili

“E tatau ona tatou manatua o loo i ai lava i taimi uma ia mea lelei, lelei tele, ma sili ona lelei e mafai ona tatou matamata, taaalo, ma faalogologo i ai. E tusa lava pe i ai ni mea e sili ona leaga e mafai ona tatou faia, ae atonu o loo i ai mea e sili atu ona lelei ma faagaeetia e mafai ona tatou faia foi.”

Ash H., 17, Virginia, ISA

O le a Se Lagona o le Faaola?

“Pe a filifilia ni faafiafiaga, ou te fesili ifo ia te au lava pe o le a lagona e le Faaola le lagolelei i le matamata pe taaalo faatasi ma au. Afai o le tali o le leai, o lona uiga ou te le faaaogaina lena faafiafiaga, e tusa lava po o le a lona fua faatatau. E tele ni taaloga lelei e mafai ona malie ma luitauina, ae valaaulia ai lava le Agaga e faatasi ma i tatou.”

Brigitte D., Kalefonia, ISA

O tali ua faamoemoe e mo le fesoasoani ma ni manatu, ae e le o se faalauiloaga aloaia o aoaoga faavae o le Ekalesia.

O Le A Sou Manatu?

Ua 16 ou tausaga, ma o tagata uma o loo siomia au o loo i ai i se mafutaga faaleuo ae o au e leai. E lagona lo’u le taulia. O le a le mea e tatau ona ou faia?

Auina mai lau tali ma le ata ae lei oo i le aso 15 o Fepuari, 2021.

Alu i le ftsoy. ChurchofJesusChrist.org, kiliki i le “Submit Your Work.” Saini e alu i totonu i lau Faitotoa a le Ekalesia ona filifili lea o le “For the Strength of Youth” i lalo o le “Choose Magazine.” Kiliki le “Add File” e filifili ai lau faila ma ata, ona kiliki lea o le “Submit” e uta ai ma auina mai lau faila. Pe auina mai se imeli i le [e-mail].