“Fai mai tagata ia te au e faasausili le faapea atu ua na o i tatou lava le Ekalesia moni. O le a se mea e tatau ona ou ta’u atu ia i latou? ” Mo Le Malosi o le Autalavou Ian. 2021), 31.
Tuusao i le Mataupu
Fai mai tagata ia te au e faasausili le faapea atu ua na o i tatou lava le Ekalesia moni. O le a se mea e tatau ona ou ta’u atu ia i latou?
Na fetalai mai le Alii lava Ia ia Iosefa Samita o lenei Ekalesia o “le Ekalesia moni ma ola e tasi i luga o le lalolagi atoa, lea ua fiafia tele i ai Au, o le Alii, i le tautala atu tautala atu lea i le ekalesia atoa ae lē i tagata taitoatasi” (Mataupu Faavae ma Feagaiga 1:30).
O lenei faamatalaga e mautinoa lava e le faapea ua sili atu lo tatou lelei nai lo se isi lava. Ae o lona uiga o le Ekalesia lenei a Iesu Keriso. Ua Ia taitaia, na Ia toefuataiina mai, ma sa Ia tuuina i ai Lana pule. Ona o lenei mea, o loo i ai ni mea patino e na o lenei Ekalesia e mafai ona ofoina atu, e pei o perofeta ma aposetolo, sauniga ma feagaiga o le malumalu, ma le Tusi a Mamona. Tatou te faafetai mo nei mea, ma tatou te mananao e faasoa atu i isi i le alofa faamaoni—e le faapea ona tatou te mananao ia “sa’o” pe “faatupulaia le Ekalesia.”
E ui e mafai ona tatou molimau atu ma le lototoa ma le mautinoa e uiga i le Ekalesia, e le tatau ona tatou faasausili i isi pe le faaaloalo i o latou talitonuga. Na saunoa le Perofeta o Iosefa Samita i se tasi taimi, “Tatou te le fai atu i se tagata ia tuuese se mea lelei ua latou maua; ua na ona tatou fai atu ia i latou e o mai ina ia toe faateleina” (Aoaoga a Peresitene o le Ekalesia: Iosefa Samita [2007], 164).