Puipuia o O’u Talitonuga

Ata

Ata na tusia e Luca Di Bartolomeo

I se tasi po sa matou tafafao ai ma se vaega o uo. Sa matou talanoa ma sa amata ona latou faitatala e uiga i isi au uo sa le o i ai i le taimi lea. Sa ou lē maua se lagona lelei e uiga i mea sa latou fai mai ai. Ona ou maua lea o se uunaiga mai le Agaga e tatau ona ou tu atu mo le mea ua ou talitonu i ai.

E aunoa ma se toe faatali, sa ou fai atu ia i latou, ou te lei lagonaina se lagona lelei e uiga i mea sa latou fai mai ai ma fai atu pe mafai ona aua nei o latou faitatala pe a ou i ai. Na latou fai mai o se vaega lava o le olaga ma e le afaina. E aunoa ma le le fiafia i ai, sa ou faalogo atu i lo latou manatu ona ou faamalamalama atu lea o o lo’u talitonuga. Ona ou tu lea i luga ma savali ese.

O lou aafiaga i lena po na ou mafaufau ai i se mea na oo i ai Iosefa Samita. Ina ua maua mai e Iosefa Samita papatusi auro, sa oo le tele o sauaga ia te ia. Po o le a lava le tele o sauaga na i ai, na tu maualuga pea Iosefa Samita ma sa lē vaivai ai. Sa faatasi le Atua ma Iosefa Samita ma fesoasoani ia te ia, ma sa ou iloaina sa faatasi mai le Atua ia te au ina ua ou tu mo le mea sa’ o.

Sa mamulu ese ni au uo se toalua i lena po ona le puipuiga o ou talitonuga, ma sa ou faanoanoa i lena mea. Ae na ou lagonaina le filemu ma le mafanafana mo le faia o le mea sa’o. E lei leva mulimuli ane, ae faafetai mai se tasi o au uo ia te au mo le mea na ou fai atu ai. Ona o lena mea, sa ou toe maua ai se faauoga sa sili atu ona malosi nai lo le taimi muamua.

Andrew F., Iuta, ISA