“Lagona, Faalogo, ma Usitai,” Mo le Malosi o le Autalavou, Ian. 2021, 32.
UpuFaaiu
Lagona, Faalogo, ma Usitai
O le upu muamua lava i le Mataupu Faavae ma Feagaiga o le faalogo (tagai i le Mataupu Faavae ma Feagaiga 1:1). O lona uiga “ia faalogo ma le faamoemoe e usitai.” Ia faalogo o lona uiga ia “lagona o Ia”—ia lagona mea e fetalai mai ai le Faaola ona usitai lea i Lana fautuaga. I na upu e fa—“Ia Lagona o Ia”—ua aumai ai e le Atua ia i tatou le mamanu mo le manuia, fiafia, ma le olioli i lenei olaga. E ao ona tatou lagona afioga a le Alii, faalogo i ai, ma usitai i mea ua Ia tau mai ia i tatou!
O fea e mafai ona tatou o i ai e lagona ai o Ia?
E mafai ona tatou ō i tusitusiga paia. E mafai foi ona tatou lagona o Ia i totonu o le malumalu. E sili atu foi le manino o le tatou lagona o Ia a o tatou faaleleia lo tatou tomai e iloa ai musumusuga a le Agaga Paia. Ma le mea mulimuli, tatou te lagona o Ia a o tatou usitai i upu a perofeta, tagatavaai, ma talifaaaliga.
O le a le mea o le a tupu ao e lagona, faalogo, ma usitai ma le naunau atili i mea ua fetalaia mai e le Faaola ma mea o loo Ia fetalaia mai nei e ala mai i Ana perofeta? Ou te folafola atu o le a faamanuiaina outou i le mana faaopoopoina e taulima ai faaosoosoga, faigata, ma vaivaiga. Ou te folafola atu vavega i a outou mafutaga faaleaiga, ma galuega i aso taitasi. Ma ou te folafola atu o le a faateleina lou gafatia e lagona ai le olioli e tusa lava pe faateleina puapuaga i lou olaga.