“Pagpanalipod sa Akong mga Gituohan,” Alang sa Kalig-on sa mga Kabatan-onan, Ene. 2021, 27.
Lig-on nga mga Pundasyon
Pagpanalipod sa Akong mga Gituohan
Paghulagway ni Luca Di Bartolomeo
Usa ka gabii nakigsuroy ko uban sa usa ka grupo sa mga higala. Nag-istoryahanay mi ug misugod sa pagpanglibak kabahin sa uban sa akong mga higala kinsa wala diha. Mibati ko nga dili komportable mahitungod sa unsay ilang gisulti. Dayon nakadawat ko og pag-aghat gikan sa Espiritu nga kinahanglan nakong barugan ang unsay akong gituohan.
Sa walay pagpanuko, gisultihan nako sila nga dili gyud ko komportable kon unsay ilang gisulti ug mihangyo nga dili na sila manglibak kon anaa ko. Miingon sila nga kini kabahin ra sa kinabuhi ug wala ra nay kaso. Sa walay pagkasuko niini, naminaw ko sa ilang punto ug dayon mipasabut sa unsay akong gituohan. Dayon mibarug ko ug milakaw.
Ang akong kasinatian nianang gabhiona nakapahunahuna nako mahitungod sa kaagi ni Joseph Smith. Sa dihang nakuha og balik ni Joseph Smith ang bulawan nga mga palid, nakasinati siya og daghang mga pagpanggukod. Bisan unsa ka dako nga pagpanggukod ang anaa, si Joseph Smith mipanalipod ug wala nagduhaduha sa iyang gituohan. Ang Dios nag-uban ni Joseph Smith ug mitabang kaniya, ug nasayud ko nga ang Dios naga-uban usab kanako sa dihang mipanalipod ko sa unsay matarong.
Nawad-an ko og pipila ka mga higala nianang gabhiuna tungod sa akong pagpanalipod sa akong mga gituohan, ug nagguol ko mahitungod niana. Apan mibati ko og kalinaw ug kahupay tungod sa pagbuhat sa husto. Wala madugay, usa sa akong mga higala mipasalamat kanako sa unsay akong gisulti. Tungod niana, nakabaton na usab ko og panaghigalaay nga mas lig-on kay sa una.
Andrew F., Utah, USA