“Ang mga tawo nagsulti kanako nga arogante ang pagsulti nga kita lang ang bugtong tinuod nga Simbahan. Unsay akong isulti nila?” Alang sa Kalig-on sa mga Kabatan-onan, Ene. 2021, 31.
Direkta sa Punto
Ang mga tawo nagsulti kanako nga arrogante ang pagsulti nga kita lang ang tinuod nga Simbahan. Unsay akong isulti nila?
Ang Ginoo Mismo miingon ngadto ni Joseph Smith nga kining Simbahan “mao lamang ang tinuod ug buhi nga simbahan diha sa ibabaw sa tibuok yuta, nga Ako, ang Ginoo, nahimuot, namulong ngadto sa tanan sa simbahan ug dili sa tagsa-tagsa” (Doktrina ug mga Pakigsaad 1:30).
Kini nga pamahayag sigurado nga wala magpasabut nga kita mas maayo kay ni bisan kinsa. Apan kini nagpasabut nga mao kini ang Simbahan ni Jesukristo. Siya ang nangulo niini, Siya mipahiuli niini, ug gihatagan Niya kini sa Iyang awtoridad. Tungod niini, adunay pihong mga butang nga kini lang nga Simbahan ang makahatag, sama sa mga propeta ug mga apostoles, mga ordinansa sa templo ug mga pakigsaad, ug sa Basahon ni Mormon. Mapasalamaton kita alang niining mga butanga, ug gusto kita nga mopaambit niini sa uban gumikan sa tinuod nga gugma—dili tungod kay gusto kita nga mahimong “husto” o “magpatubo sa Simbahan.”
Samtang kita maisugon ug masaligon sa pagpamatuod sa Simbahan, dili gayud kita angay nga mag-arogante ngadto sa uban o dili morespeto sa ilang mga tinuohan. Ang Propeta Joseph Smith sa makausa miingon, “Wala kita mangayo ni bisan kinsa nga mga tawo sa pagsalikway sa bisan unsa nga maayong anaa kanila; mohangyo lamang kita kanila sa pagduol ug makakuha og dugang pa” (Mga Pagtulun-an sa mga Presidente sa Simbahan: Joseph Smith [2007], 182).