“Ang tanan nakong mga higala modula og pangtin-edyer nga mga video game, apan mipili ko nga dili modula. OK ra ba ang pangtin-edyer nga mga video game?” Alang sa Kalig-on sa mga Kabatan-onan, Ene. 2021, 30–31.
Mga Pangutana ug Mga Tubag
“Ang tanan nakong mga higala modula og pangtin-edyer nga mga video game, apan mipili ko nga dili modula. OK ra ba ang pangtin-edyer nga mga video game?”
Mga Sumbanan sa Kalibutan
“Mipili usab ko nga dili magdula og pangtin-edyer nga mga video game. Ang pipila niini mahimong makalingaw, apan wala gayud ka makahibalo unsay mahimong mahitabo. Magdula ko og makalingaw nga mga dula uban sa akong pamilya, ug mas maayo akong bation mahitungod sa dili pagdula og mga pangtin-edyer nga video game. Ang mga sumbanan nga anaa sa kalibutan karon dili parehas sa mga sumbanan sa Dios, ug gusto kong mahimong mahisama Kaniya.”
Payton D., 13, Nevada, USA
Paminawa ang Espiritu
“Ang mga video game ba adunay bisan unsang mga pagpamalikas o dili ligdong og sininaan? Kinahanglan maningkamot kita aron malikayan kini, tungod kay kining mga butanga makapapahawa sa Espiritu. Ang kagubot makapapahawa usab sa Espiritu. Mabinantayon ug mainampuon nga mohunahuna kon mabati ba ninyo ang Espiritu sa inyong kinabuhi kon kamo kanunayng magdula niining mga video game.”
Miriana B., 18, Washington, USA
Mga Representante ni Jesukristo
“Importante ang paghinumdom nga atong gidala ang ngalan ni Jesukristo ngari kanato, mao nga kita mga representante Kaniya. Sa tanang butang nga atong buhaton, kinahanglan mangutana kita sa atong kaugalingon kon kita naglihok ba sama Kaniya ug kon kita midala ba sa atong kaugalingon nga mas mahiduol ngadto Kaniya.”
Brandon K., 17, Ohio, USA
Maayo, Mas Maayo, ug Labing Maayo
“Kinahanglan natong hinumduman nga sa kanunay adunay mga maayo, mas maayo, ug labing maayo nga mahimo natong tan-awon, dulaan, ug paminawon. Bisan og adunay mga ngil-ad nga mga butang nga atong gibuhat, aduna pa tingali mga maanindot ug makapabayaw nga mga butang nga mahimo usab natong buhaton.”
Ash H., 17, Virginia, USA
Unsa Kaha ang Bation sa Manluluwas?
“Kon sa pagpili og kalingawan, mangutana ko sa akong kaugalingon kon ang Maluluwas mobati ba kaha og kakomportable kon magtan-aw o magdula uban nako. Kon ang tubag dili, nan dili ko mogamit nianang kalingawan, dili igsapayan sa grado niini. Adunay daghang mga maayo nga mga video game nga mahimong makalingaw ug makapahagit ug makadapit gihapon sa Espiritu nga magauban kanato.”
Brigitte D., California, USA