“Maminaw, Mopatalinghug, ug Mamati,” Alang sa Kalig-on sa mga Kabatan-onan, Ene. 2021, 32.
Katapusang Pulong
Maminaw, Mopatalinghug, ug Mamati
Ang labing unang pulong sa Doktrina ug mga Pakigsaad mao ang patalinghug (tan-awa sa Doktrina ug mga Pakigsaad 1:1). Kini nagpasabut nga “maminaw uban sa tuyo sa pagsunod.” Ang pagpatalinghug nagpasabut sa “[Pag]paminaw Kaniya”—sa pagdungog unsay isulti sa Manluluwas ug dayon mopatalinghug sa Iyang tambag. Niining duha ka pulong—“Paminaw Kaniya”—Ang Dios mihatag nato og sundanan alang sa kalampusan, kalipay ug hingpit nga kalipay niini nga kinabuhi. Kita kinahanglan nga maminaw sa mga pulong sa Ginoo, mopatalinghug niini, ug mamati unsay Iyang gisulti kanato!
Asa man kita moadto aron maminaw Kaniya?
Kita makaadto sa mga kasulatan. Kita usab [maka] paminaw Kaniya diha sa templo. Kita usab [maka] paminaw Kaniya nga mas klaro kon atong hashasan ang atong abilidad sa pag-ila sa mga hung-hong sa Espiritu Santo. Ug, sa katapusan, kita [maka] paminaw Kaniya samtang kita mopatalinghug sa mga pulong sa mga propeta, mga manalagna, ug mga tigpadayag.
Unsay mahitabo kon kamo maminaw pag-ayo, mopatalinghug, ug mamati unsay gisulti sa Manluluwas ug unsay Iyang gisulti pinaagi sa Iyang mga propeta? Ako mosaad nga kamo mapanalanginan og dugang gahum sa pag-atubang sa tintasyon, mga pakigbisog, ug kahuyang. Ako mosaad og mga milagro sa inyong mga relasyon sa pamilya ug inadlaw nga trabaho. Ug ako mosaad nga ang inyong kapasidad sa pagbati og hingpit nga kalipay madugangan bisan kon ang unos magkadaghan sa inyong kinabuhi.