“Aolep ro m̧ōtta rej ikkure video game ko an jodikdik ro, bōtaab iaar kāālet n̄an jab. Ikkure in mijiin ko an jodikdik REM̧M̧AN ke?” N̄an Kōkajoorļo̧k Jodrikdrik ro, Jān. 2021, 30–31.
Kajjitōk ko im Uwaak ko
“Aolep ro m̧ōtta rej ikkure video game ko an jodikdik ro, bōtaab iaar kāālet n̄an jab. Ikkure in mijiin ko an jodikdik ro REM̧M̧AN ke?”
Jon̄ak ko an Laļ in
“Ikar barāinwōt kāālet n̄an jab ikkure game in mijiin ko an jodikdik ro. Jet iaer remaron̄ in kalimomo, bōtaab kom̧ijamin jeļā ta eo emaron̄ waļo̧k. Ij ikkure ikkure ko rekalimomo ippān baam̧le eo aō, im em̧m̧anļo̧k aō en̄jake kōn jab ikkure game in mijiin ko an jodikdik ro. Jon̄ak kko an laļ rainin rejjab jokkun wōt jon̄ak ko an Anij, im ikōņaan erom āinwōt E.”
Payton D., 13, Nevada, USA
Ron̄jake Jetōb eo
“Video game ko ewōr ke ie jabdewōt kain kanejnej ak jab karbōb? Jej aikuj kajjieon̄ julo̧ki, kōnke men kein rej kadiwōjļo̧k Jetōb eo. Kakkure emaron̄ in barāinwōt kadiwōjļo̧k Jetōb eo. Mejmejkaruo im jar ilo ļōmņak kōn eļan̄n̄e ak jaab kom̧ maron̄ en̄jake Jetōb eo ilo mour eo ami n̄e kom̧ij ikkure game kein aolep iien.”
Miriana B., 18, Washington, USA
Ribōk Jikin ro an Jisōs Kraist
“Ej aorōk n̄an keememej bwe em̧ōj ad bōk iood etan Jisōs Kraist, kōn menin jej ribōk jikin ro An. Ilo aolep men jej kōm̧m̧ani, jej aikuj kajjitōk ippād make eļan̄n̄e jej jerbal āinwōt E enaaj kar im eļan̄n̄e jej bōkļo̧k kōj make epaakeļo̧k E.”
Brandon K., 17, Ohio, USA
Em̧m̧an, Em̧m̧anļo̧k, Em̧m̧an tata
“Jej aikuj in keememej bwe ewōr iien otemjej men ko rem̧m̧an, rem̧m̧anļo̧k, im rem̧m̧an tata jemaron̄ alooji,ikkure, im ron̄jake. Jekdo̧o̧n eļan̄n̄e ewōr men ko renana jemaron̄ kōm̧m̧ani, ewōr bōlen elōn̄ļo̧k men rem̧m̧an im kōbōkakak jemaron̄ barāinwōt kōm̧m̧ani.”
Ash H., 17, Virginia, USA
Ekōjkan an Rilo̧mo̧o̧r eo Naaj kar En̄jake?
“N̄e kāālet kein kalimomo ko, ij kajjitōk ippa make eļan̄n̄e Rilo̧mo̧o̧r eo enaaj kar en̄jake aenōm̧m̧an alooje ak ikkure ippa. Eļan̄n̄e uwaak eo ej jaab, innām ijjab kōjerbal kein kalimomo jab eo, jekdo̧o̧n rating eo an. Ekanooj lōn̄ game ko rem̧m̧an me emaron̄ in kalimomo im kaidajon̄jon̄ im ej wōt akjoketok Jetōb eo n̄an an pād ippād.”
Brigitte D., California, USA