Kajju n̄an Meļeļe eo

Armej rej jiron̄ eō emenin kabbūl n̄an ba jej make wōt Kabun̄ eo em̧ool. Ta eo ij aikuj in jiron̄ er?

Irooj E Make eaar ba n̄an Josep Smith bwe Kabun̄ in ej “kabun̄ eo wōt em̧ool im emour ioon mejān laļ, eo kōn e N̄a, Irooj, ebun̄-buruō, Ij kōnono n̄an kabun̄ āinwōt juon wōt im jab kajjojo” (Katak im Bujen Ko 1:30).

Ennaan in ilo ejjeļo̧k pere ej jab meļeļe in bwe jem̧m̧anļo̧k jān jabdewōt. Ak ej meļeļe in bwe en̄in ej Kabun̄ eo an Jisōs Kraist. Ej tōl e, Ekar kōjepļaaktok, im Ekar leļo̧k n̄an e mālim eo An. Kōnke kōn menin, ewōr jet men ko me Kabun̄ in wōt emaron̄ litok, ko āinwōt rikanaan ro im rijilōk ro, kain̄i ko an tampeļ im bujen ko, im Bok in Mormon. Jej kam̧m̧oolol kōn men kein, im jej kōņaan kwaļo̧ki ippān ro jet kōn iakwe em̧ool—ejjab kōnke jej kōņanan bwe jen “jim̧we” ak “kaddōkļo̧k Kabun̄ in.”

Ilo ad peran im lōke ilo kam̧ool kōn Kabun̄ in, jen jab ļo̧k wōt n̄an jidik kabbūl n̄an ro jet ak jab kautiej tōmak ko aer. Rikanaan Josep Smith ekar ba juon iien, “Jejjab kajjitōk ippān jabdewōt armej n̄an julo̧k jabdewōt em̧m̧an ko ewōr ippāer; jej kajjitōk wōt ippāer n̄an itok im bōk eļapļo̧k” (Teachings of Presidents of the Church: Joseph Smith [2007], 155).