Tafaʻaki Fakalatá

Fika ʻo e Hivá

‘I he kamakamata mai ʻa e Siasí, naʻe kole kia ‘Ema Sāmita ke ne fakatahatahaʻi e ngaahi himí (vakai, Tokāteline mo e Ngaahi Fuakava 25). Ko e himi ʻe fiha naʻe kau ʻi he fuofua tohi himí? Fai ʻa e fika ʻi laló ke ke ʻiloʻi.

1. ʻAi e taʻu ne fokotu‘u ai e Siasí ʻo vahevahe ʻaki ia e tokolahi ʻo e kau fakamo‘oni ʻo e Tohi ‘a Molomoná ʻa ia na‘e fakahā ki ai ʻe he ʻāngeló e ʻū lauʻi peleti koulá (vakai, ‘Eta 5:4).

2. Vahevahe ‘a e ola ʻo A ʻaki e lahi ʻo e ngaahi tohi ʻi he Fuakava Motuʻá ʻoku ui ko Samuelá.

3. ‘Ave ʻa e ola ‘o E ʻo kole ia mei he lahi ‘o e ngaahi vahe ʻi he Tokāteline mo e Ngaahi Fuakavá.

4. ‘Ave ʻa e ola ‘o F pea tānaki ki ai e taʻu siʻisi‘i taha ʻe lava ke papitaiso ai ha taha (vakai, Tokāteline mo e Ngaahi Fuakava 68:25).

5. Vahevahe ‘a e ola ʻo H ʻaki e lahi ‘o e ngaahi tohi ʻa Mōsesé ‘i he Fuakava Motuʻá (vakai, 1 Nīfai 5:11).

6. ‘Ave ʻa e ola ‘o I pea tānaki ki ai e lahi ʻo e ngaahi ‘aho ʻo e uiké.

7. Vahevahe ‘a e ola ʻo K ʻaki e lahi ʻo e ngaahi “‘aho” naʻe faʻu ai ʻe he ‘Otuá ʻa e māmaní (vakai, Tokāteline mo e Ngaahi Fuakava 77:12).

8. Liunga e ola ʻo L ʻaki e tokolahi ʻo e kau taaupoʻou ʻi he talanoa fakatātā ʻa e Fakamoʻuí (vakai, Mātiu 25:1).

9. ‘Ai e ola ‘o M ʻo tānaki atu ki ai e lahi ʻo e fo‘i mā ne fakaʻaonga‘i ʻe he Fakamo‘uí ke fafanga ʻaki ʻa e toko fā afé (vakai, Mātiu 15:34–38).

10. ‘Ai e ola ʻo N ʻo tānaki ki ai e lahi ʻo e ngaahi tefito ʻo e tui ʻoku tau maʻú.

‘I Ho Tafaʻaki ʻo e Māmaní

ʻOku ʻikai ke faʻa hanga ʻe he mātuʻá ʻo fili ha taha ʻo e fānaú ʻoku nau saiʻia taha ai (tukukehe kapau ʻoku toko taha pē) koeʻuhí ʻoku faingataʻa moʻoni hono fai ha meʻa pehē. ‘Oku meimei ke faingataʻa pehē ʻa e fehuʻi ko ʻení, ka te ke lava pē ʻo fai ia!

Ko e hā ʻa e ʻekitivitī toʻu tupu ʻi he Siasí ʻokú ke saiʻia taha aí kuó ke kau aí? Fetuʻutaki mai (pea ʻomai ai ha laʻi tā mei he ‘ekitivitií kapau ʻe lava) ke mahino kiate kimautolu e ʻuhinga ne fakalata aí.

‘Ave hoʻo taá mo e fakamatalá ki he [e-mail]. Te mau pulusi atu e ngaahi talí ʻi ha makasini he kaha‘ú ke vahevahe mo e toʻu tupu ʻi he funga ʻo e māmaní.

Sivi Tolo Kupuʻi ʻAkaú (Caber)

Ko e sipoti manakoa ʻi Sikotilaní ko e tolo kupuʻi ʻakaú. Ko e caber ko ha kupuʻi ʻakau lōloa, ʻoku teleʻi (nounou ange ‘i he tafaʻaki ‘e tahá) pea lī ʻe he tokotaha sipoti ʻi he ʻataá. Ko e founga ke ikuna aí ko hono to‘o hake ʻa e kupuʻi ʻakaú ‘i he tafaʻaki ne teleʻí pea lī ia ke mafuli ʻa e konga ne teleʻí ʻo tō fakahangatonu ki he tafaʻaki ʻe tahá.

Te ke lava nai ʻo ʻilo pe ko hai ʻi he toʻu tupu ko ʻeni mei Sikotilaní na‘e lelei taha ʻene toló ʻi heʻenau ʻekitivitī he ‘aho ní? Tokoní: ko e kai maʻolunga tahá ʻa e kupuʻi ʻakau ko ia ʻoku mafuli e tafaʻaki ne teleʻí ki he tafaʻaki ʻe tahá (ko hono ʻuhingá na‘e vilo kakato e kupuʻi ʻakaú).

Fehu‘i Pōnasi

Ko e taha ‘o e kau takí ko ha tamai ki ha taha ʻo e kau talavoú. Te ke lava nai ʻo ʻilo‘i kinautolu ʻi honau piva fakafāmili lanu tataú?

Fanga Kiʻi Fakakatá

Naʻa tau ʻuluaki tō he ‘aʻaké pea hoko mai leva ʻeni?!

Val Chadwick Bagley

Mālō e lelei, Teti. He ʻikai lava ʻa Mami ʻo talanoa atu he telefoní he taimí ni he ʻokú ne taʻo ha foʻi keke ʻaho ke fakaʻohovaleʻi ʻaki koe.

Maikolo!!!

Ryan Stoker