“I-konektar,” Alang sa Kalig-on sa mga Kabatan-onan, Ago. 2021, sa sulod nga atubangang hapin.
I-konektar
Althea C.
14, New York, TBA
Nagpuyo sa New York, gilibutan ako og mga tawo nga lahi kay kanako. Ganahan ako nga magkat-on mahitungod sa kon unsay maghimo sa matag tawo nga lahi, tungod kay kini nagtudlo kanako unsaon sa pagdawat ug paghigugma sa ilang mga kalainan. Sa akong hunahuna makapaikag kaayo ang pagkat-on mahitungod sa lain-laing mga paagi sa pagpadako og mga tawo.
Sulod sa dugayng panahon sa nagtubo pa ako, wala ako mohimo og kaugalingon nga pag-ampo. Dayon usa ka adlaw nagkaproblema ako, ug sa akong hunahuna, “wala ako masayod unsay buhaton. Dili ako makahimo niini nga pagpili sa akong kaugalingon. Apan nasayod ako nga ang Langitnong Amahan makatabang kanako.”
Karon ang pag-ampo naghimo kanakong mas duol sa akong Langitnong Amahan. Usahay mag-ampo ako tungod kay gusto lang ako nga makigsulti Kaniya! Bisan kon ako walay pipila ka dagkong pangutana o problema, gusto ako nga makigsulti sa Langitnong Amahan. Nahibalo ako nga dili ubos ang Iyang pagtan-aw kanako ug dili masuko kanako tungod sa akong mga sayop—Siya ang akong Amahan, ug gusto ako nga makabaton og relasyon uban Kaniya sama sa akong relasyon sa akong yutan-ong amahan.