“Ang Pagkapari sa Dios,” Alang sa Kalig-on sa mga Kabatan-onan, Ago. 2021, 20–21.
Dali, Sunod Kanako
Ang Pagkapari sa Dios
Unsa ang angayang mahibaloan sa matag batan-on mahitungod sa pagkapari ug sa ilang koneksyon niini.
Nakamatikod ka ba kon unsa ka makalibog ang usa ka pulong kon gamiton sa duha ka paagi? Sama pananglit, sa Iningles ang pulong nga yuta nagpasabot sa planeta nga atong gipuy-an ug sa yuta nga atong gitumban. Kining duha parehong eksakto, apan kon unsa man ang imong gipasabot sa imong paggamit sa termino mag-agad kon unsay imong gihisgotan niana nga higayon. Sa paghimo niini nga mas makalibog, kon ang yuta nagpasabot sa atong planeta, naglakip usab kini sa ideya bahin sa hugaw, tungod kay ang hugaw anaa sa planeta.
Pagpasabot sa Termino nga Pagkapari
Ang usa ka termino nga gigamit nato sa Simbahan sa duha ka paagi mao ang pagkapari. Ang termino nagpasabot sa kinatibuk-ang gahom ug awtoridad sa Dios. Hinoon, kita usab mogamit sa pagkapari diha sa mas limitado nga paagi—sa pagpasabot bahin sa “gahom ug awtoridad nga gihatag sa Dios ngadto sa gi-orden nga mga tighupot sa pagkapari alang sa pagbuhat sa tanan nga mga butang nga gikinahanglan alang sa kaluwasan sa mga anak sa Dios.”1
Ang pagkapari nga gitugyan diha sa tawo dili ang tanan nga gahom sa Dios. Ang mosunod nga tsart naghulagway niini nga punto.
Niini nga tsart imong makita ang pipila ka ehemplo sa gahom sa Dios, nga walay kinutuban ug walay mga utlanan. Sa sulod niana, ikaw makakita usab og mga ehemplo sa gahom ug awtoridad sa pagkapari sa Dios nga Iyang gitugyan, o gihatag ngadto, sa takos nga mga lalaki aron mangulo sa Simbahan ni Kristo.
Mga Ehemplo sa Awtoridad sa Pagkapari diha sa Imong Kinabuhi
Ang tanan nga panalangin sa pagkapari maanaa sa tanan nga pinalanggang mga anak nga babaye ug mga anak nga lalaki sa Langitnong Amahan. Ang ikaduhang lista dayag nga nagrepresentar niana nga mga panalangin nga moabot kaninyo pinaagi sa usa kinsa naghupot sa mga yawe sa pagkapari o sa adunay awtoridad sa pagkapari nga gitugyan diha kaniya.
Mao kini ang han-ay nga gi-establisar sa Dios alang sa pag-organisar ug pagdumala sa Iyang Simbahan dinhi sa yuta. Ang uban nga mga ehemplo sa awtoridad sa Dios sa pagkapari naglakip sa presidente sa korum sa mga deacon o mga teacher kinsa adunay mga yawe sa pagdumala sa buhat sa iyang korum, sa mga pagpanalangin sa usa ka amahan nga ihatag diha sa panimalay, ug mga ordinansa ug mga pakigsaad diha sa templo.
Kalalakin-an, Kababayen-an, ug ang Pagkapari
Bisan og ang pag-orden sa katungdanan sa pagkapari ihatag lamang ngadto sa mga lalaki, si Presidente Dallin H. Oaks, Unang Magtatambag sa Unang Kapangulohan, mipasabot sa usa ka importante nga baruganan: “Ang pagkapari mao ang balaanong gahom ug awtoridad nga temporaryong gitugyan nga gamiton diha sa buhat sa Dios alang sa kaayohan sa tanan Niyang mga anak. Ang pagkapari dili mao kadtong gi-orden ngadto sa usa ka katungdanan sa pagkapari o kadtong mogamit sa awtoridad niini. Ang mga lalaki kinsa naghupot sa pagkapari dili mao ang pagkapari. … Dili nato tawagon ang na-orden nga mga lalaki isip ang pagkapari.“2
Bisan og ang kababayen-an dili i-orden sa pagkapari, mipasabot si Presidente Russell M. Nelson, “sa dihang kamo gi-set apart aron moserbisyo og calling ubos sa direksyon sa naghupot sa mga yawe sa pagkapari… kamo gihatagan og awtoridad sa pagkapari sa paglihok niana nga calling.”3 Ang pipila ka ehemplo niini naglakip sa mga kapangulohan sa klase sa Young Women, sa sister nga mga misyonaryo nga nagsangyaw sa ebanghelyo, sa mga lider sa mga ward ug mga stake kinsa gi-set apart alang sa pagtudlo ug pagpangulo, ug sa mga ordinance worker sa templo.
Ang Gahom sa Pagkapari Mopanalangin sa Tanan
Ang mga panalangin nga madawat ninyong mga batan-ong lalaki ug mga batan-ong babaye mainyo pinaagi sa mga pakigsaad nga inyong gihimo atol sa bunyag ug sa mga pakigsaad nga inyong himoon sulod sa templo. Bisan og kamo diha sa inyong panimalay walay naghupot sa pagkapari, mapanalanginan gihapon kamo uban sa gahom sa pagkapari diha sa inyong kinabuhi samtang kamo maghupot sa mga pakigsaad nga inyong gihimo uban Kaniya (tan-awa sa 1 Nephi 14:14).
Samtang kita magpakabuhi subay sa atong mga pakigsaad, makadawat kita og mga panalangin nga molig-on ug mopanalangin kanato. Gidapit namo kamo sa pagpamalandong sa mga panalangin sa pagkapari diha sa inyong kinabuhi—sa mga panalangin nga moabot tungod sa walay kinutoban nga gahom sa Dios sa pagkapari ug niadtong moabot sa piho nga paagi pinaagi sa awtoridad sa pagkapari nga gitugyan ug gidelegar diha sa Simbahan sa Dios.