“Ang Kahayag ni Kristo,” Alang sa Kalig-on sa mga Kabatan-onan, Ago. 2021, 32.
Pagtulun-an human sa usa ka Pagtulun-an
Ang Kahayag ni Kristo
Si Jesukristo mao ang Kahayag.
kahayag ni Kristo
Mga paghulagway pinaagi ni Adam Howling
Ang Kahayag ni Kristo usa ka gahom ug impluwensya nga naggikan sa Dios pinaagi kang Jesukristo. Naghatag kini og kinabuhi ug kahayag sa tanang mga butang ug gihatag ngadto sa tanang katawhan (tan-awa sa Moroni 7:16).
nagalamdag sa inyong mga mata
Ang paglamdag nagpasabot sa pagtudlo, nagdala og kahibalo sa, o maghatag og panabot. Ang atong mga mata nagkinahanglan og kahayag aron makakita. Mopadala kini og kahayag ngadto sa atong utok aron makasabot kita kon unsay atong nakita. Si Jesukristo naghatag og kahayag sa atong mga espiritu ug motabang kanato sa pagsabot sa Iyang kamatuoran.
nakapadugang sa inyong mga salabotan
Ang nakapadugang nagpasabot sa paghimong aktibo. Pinaagi sa Kahayag ni Kristo, ang atong mga hunahuna ug kasingkasing nahimong aktibo ug makasabot sa tanang kamatuoran. Naglakip kini sa kahibalo mahitungod sa kalibutan nga naglibot kanato ug mahitungod sa eksakto ug sayop.
ang balaod
Ang balaod usa ka hugpong sa mga lagda. Ang balaod magmugna og kahapsay. Adunay mga balaod kon sa unsang paagi nga ang mga butang maglihok sa kinaiyahan (sama sa balaod sa grabidad [gravity]). Adunay mga balaod usab kon unsay angay nga panglihok sa katawhan (sama sa mga sugo sa Dios).
ang tanan nga butang gidumala
Ang pagdumala nagpasabot sa pagmando, pagkontrolar, o paggiya. Ang Kahayag ni Kristo mao ang balaod nga nagdumala sa tanang butang. Si Jesukristo kausa miingon, “Ako mao ang balaod, ug ang kahayag” (3 Nephi 15:9). Siya ang naghatag og kinabuhi sa tanang butang. Siya ang mitakda og mga lagda ug nagdala og kahapsay sa tanang butang. Ug Iyang gipakita kanato kon unsaon sa pag-angkon og kinabuhing dayon.