Direkta sa Punto

Unsay akong isulti kon ang mga tawo mangutana nganong kita dili moinom og tsa o kape?

Ang Pulong sa Kaalam mao ang balaod sa Ginoo ug sugo kalabot sa unsay atong isulod sa atong lawas (tan-awa sa Doktrina ug mga Pakigsaad 89). Ang usa ka butang nga gisulti niini ngari kanato mao ang paglikay sa “init nga mga ilimnon” (Doktrina ug mga Pakigsaad 89:9). Si Joseph Smith ug ang ubang mga lider sa Simbahan mipasabot nga nagpasabot kini sa tsa ug kape.

Samtang ang Pulong sa Kaalam adunay klaro kaayong mga benepisyo sa kahimsog, dili kini mao ang pinakaunang rason nganong nagsunod kita niini. Nagsunod kita sa Pulong sa Kaalam tungod kay nakahimo kita og pakigsaad sa pagsunod sa mga sugo sa Ginoo.

Ang Ginoo misaad kanato og dagkong mga panalangin sa pagsunod sa Pulong sa Kaalam, lakip ang espirituhanong mga panalangin. Sama pananglit, Siya miingon nga kita makadawat og kahimsog, kaalam ug dako nga mga bahandi sa kahibalo, ingon man usab sa Iyang proteksyon (tan-awa sa Doktrina ug mga Pakigsaad 89:18–21).

Daghang tawo sa kalibutan moinom og tsa ug kape, ug ang katinuod nga kita dili moinom niini ingon og katingad-an ngadto kanila. Ang ubang mga tawo tingali mosulti kanimo nganong nagtuo sila nga ang tsa, kape, o ubang mga butang nga gidili sa Pulong sa Kaalam makahimsog gayod. Apan sa pagsubli, ang pinakaunang rason nganong kita nagsunod sa Pulong sa Kaalam tungod kay kita nakahimo og pakigsaad sa pagsunod sa mga sugo sa Ginoo, ug kita makadawat og panalangin sa pagbuhat niini.