“Ikonektar,” Alang sa Kalig-on sa mga Kabatan-onan, Sept. 2021, sulod nga atubangan nga hapin.
Ikonektar
Alora D.
19, Tennessee, USA
Ang akong papa naa sa militar sa U.S., mao nga kadaghan kaming nagbalhin-balhin samtang nagdako. Lisod ang pagkahimong matinagdanon ug makighigala, ug nagtuo ako nga ang pagkamanggiulawon mao ang akong tibuok nga personalidad. Ang ubang mga tawo nagtan-aw nako nga manggiulawon ug konserbatibo usab, ingon og ako usa ka pinintal nga hulagway nga usa lamang ka kolor.
Ang pagpinta nakatabang kanako nga makaamgo nga ako sa pagkatinuod sa usa ka mabulukon kaayo nga tawo! Mas hilomon ako kay sa ubang mga tawo, apan adunay daghang lahi-lahi nga mga sapaw [layers] ug mga bahin ang akong personalidad, sama sa usa ka puno sa kolor nga dibuho [painting]. Usahay ang mga tawo masurprisa kon unsa ka mabulokon ang akong mga dibuho, ug sultihan lamang nako sila, “Kinahanglan kang makaila kanako!”
Nagdiskobre pa gihapon ako kon kinsa ako ug naglambo isip usa ka tawo. Sa pagkatinuod, bag-ohay lang ko mikanta diha sa Nobyembre 2020 nga Face to Face nga kalihokan sa Young Women. Nasayod ako nga kon ako mobuhat sa yanong mga butang sama sa pagbasa sa akong mga kasulatan ug mag-ampo, makatabang kini kanako nga makat-on kon kinsa ako ug kon kinsa nga tawo ang gusto sa Langitnong Amahan nga ako mamahimo.