“Pagtukod sa Zion pinaagi sa Panaghiusa,” Alang sa Kalig-on sa Kabatan-onan, Sept. 2021, 20.
Kataposang Pulong
Pagtukod sa Zion pinaagi sa Panaghiusa
Gibase sa usa ka pakigpulong sa Oktubre 2008 nga kinatibuk-ang komperensiya.
Ang Zion usa ka dapit ug usa ka katawhan. Ang Zion mao ang ngalan nga gihatag ngadto sa karaang siyudad ni Enoch. Ang Ginoo mitawag sa katawhan ni Enoch og Zion, “tungod kay sila usa sa kasingkasing ug usa sa hunahuna, ug nagpuyo diha sa pagkamatarung; ug walay kabus taliwala kanila” (Moises 7:18). Bisan asa Siya miingon, “Kay kini mao ang Zion—ang putli og kasingkasing” (Doktrina ug mga Pakigsaad 97: 21).
Sa pag-establisar sa Zion sa atong mga panimalay, mga branch, mga ward ug mga stake, kita kinahanglan nga (1) mahimong mahiusa sa usa ka kasingkasing ug hunahuna; (2) mahimo nga balaan nga katawhan; ug (3) moatiman alang sa mga kabus ug timawa. Dili kita makapaabot hangtod moabot nga kining mga butanga mahitabo sa Zion—ang Zion moabot lamang kon kini mahitabo.
Mahimo kitang usa sa kasingkasing ug usa sa hunahuna samtang kita sa tinagsa tagsa mobutang sa Manluluwas diha sa sentro sa atong mga kinabuhi, mosunod niadtong Iyang gitudlo nga mangulo kanato, ug maghiusa diha sa gugma ug pagpakabana alang sa usag usa. Kini nga panaghiusa ug gugma alang sa usag usa, mapilo-pilo sa liboan ka higayon diha sa lainlaing mga paagi, sa “pagbalik sa Ginoo ngadto sa Zion” (Isaias 52:8).
Paghulagway ni Albert Pinilla