“Usa ka Pagsulay sa Hugot Pagtuo,” Alang sa Kalig-on sa mga Kabatan-onan, Sept. 2021, 18–19.
Dali, Sunod Kanako
Usa ka Pagsulay sa Hugot nga Pagtuo
1833. Distrito sa Jackson , Missouri, USA. Ang manggugubot nga panon mipwersa sa mga Santos nga nagpuyo didto sa pagbiya sa ilang mga panimalay.
Si Joseph Smith naghunahuna kon unsay buhaton. Sa wala madugay miabot ang usa ka pagpadayag. Gisultihan si Joseph sa pag-agni og mga tawo aron mobiyahe ngadto sa Missouri ug sa pagtabang sa mga Santos nga mabawi ang ilang mga panimalay.
Si Joseph mibiya padulong sa Missouri uban sa usa ka grupo sa mga boluntaryo. Ang grupo sa kadugayan nailhan isip Kampo sa Zion.
Ang panaw malisod usahay, apan daghan ang nalingaw niini.
Human sa usa ka bulan nga pagmartsa, ang kampo mihunong duol sa suba.
Nakadungog sila nga ang mga kalalakin-an sa pikas habig naghulat sa pag-atake kanila.
Unsay atong buhaton?
Pagmalinawon …
… [ug mosaksi] sa kaluwasan sa Dios.
Sa wala madugay miabot ang unos.
Ang Dios anaa niining unos!
Ang ulan maoy hinungdan sa hilabihan nga pagsaka sa tubig sa suba nga ang kaaway sa kampo dili makatabok niini.
Human sa pipila ka adlaw, si Joseph nakadawat og pagpadayag nga panahon na sa pagpamauli, bisan og wala sila nakatabang sa mga Santos sa Missouri aron makabalik ngadto sa ilang mga panimalay.
Ang Ginoo midawat sa atong mga paningkamot.
Kita gidala niining gilay-una alang sa usa ka pagsulay sa atong hugot nga pagtuo. (Tan-awa sa Doktrina ug mga Pakigsaad 105:19.)
Ang uban naghunahuna nga ang biyahe usa ka kapakyasan.
Mianhi kita dinhi para lang sa wala!
Nganong mamauli man kita nga wala pa makatabang sa mga Santos dinhi?
Ang kadaghanan nakakita niini nga usa ka pribilehiyo nga ikauban ang Propeta ug magkat-on gikan kaniya.
Ang Kampo sa Zion nakatabang sa pag-andam og umaabot nga mga lider sa Simbahan. Walo ka mga tawo kinsa mimartsa sa Kampo sa Zion gitawag ngadto sa Korum sa Napulog Duha ka Apostoles.