“Fakafehokotakí,” Ki Hono Fakamālohia ʻo e Toʻu Tupú, Sepitema 2021, takafi muʻa ki lotó.
Fakafehokotakí
Alora D.
19, Tenisī, USA
Ko ʻeku tamaí ʻoku ʻi he vaʻa fakakautau ʻa ʻAmeliká, pea naʻe lahi ʻemau fehikitaki holo ʻi heʻemau kei tupu haké. Naʻe faingataʻa ke u feohi mo maʻu ha ngaahi kaungāmeʻa, pea ne u pehē ko hoku ʻulungāngá pē ʻa e ongoʻi maá, ʻo u hangē ha fakatātā lanu taha peé.
Kuo tokoni ʻa e tā valivalí ke u ʻiloʻi ʻoku ʻi ai hoku ngaahi ʻulungaanga kehe! ʻOku ou kiʻi momou ange ʻi ha kakai ʻe niʻihi, ka ʻoku lahi ha ngaahi tafaʻaki mo ha ngaahi konga kehekehe ki hoku ʻulungāngá, ʻo hangē ha fakatātā ʻoku lanu kehekehé. Taimi ʻe niʻihi ʻoku ʻohovale ʻa e kakaí ʻi he anga ʻo e lanu kehekehe ʻeku ngaahi tā valivalí, pea ʻoku ou talaange, “ʻOku fie maʻu ke ke feinga ke ʻiloʻi au!”
ʻOku ou kei fāifeinga pē ke u ʻiloʻi ko hai au mo feinga ke u tupulaki mo fakalakalaka. Naʻá ku toki hiva kimuí ni ʻi ha polokalama Face to Face ʻa e Kau Finemuí ʻi Nōvema ʻo e 2020. ʻOku ou ʻiloʻi ko e taimi ʻoku ou fakahoko ai ha ngaahi meʻa faingofua hangē ko hono lau ʻeku folofolá mo lotú, ʻoku tokoni ia ke u ʻilo ko hai au pea mo e tuʻunga ʻoku finangalo ʻa e Tamai Hēvaní ke u aʻusiá.