“Ko Hano Siviʻi ʻo e Tuí,” Ki Hono Fakamālohia ʻo e Toʻu Tupú, Sepitema 2021, 18–19.
Haʻu, ʻo Muimui ʻIate Au
Ko Hano Siviʻi ʻo e Tuí
1833. Vahefonua Siakisoní, Mīsuli, USA. Naʻe fakamālohiʻi ʻe he kau fakatangá ʻa e Kāingalotu ne nofo aí ke nau mavahe mei honau ngaahi ʻapí.
Naʻe fifili ʻa Siosefa Sāmita pe ko e hā e meʻa ke faí. Ne ʻikai fuoloa kuo maʻu ha fakahā. Naʻe fekau kia Siosefa ke ne uki ha kau tangata ke nau fononga ki Mīsuli pea tokoni ki he Kāingalotú ke nau toe maʻu honau ngaahi ʻapí.
Naʻe mavahe ʻa Siosefa ki Mīsuli mo ha kau ngāue tokoni. Naʻe ʻiloa kimui ange ʻa e kulupú ko e ʻApitanga ʻo Saioné.
Naʻe faingataʻa he taimi ʻe niʻihi ʻa e fonongá, ka naʻe fiefia ai ha tokolahi.
Hili ha māhina ʻe taha ʻo ʻenau laká, naʻe tuʻu ʻa e ʻapitangá ofi ki ha vaitafe.
Naʻa nau fanongo naʻe tatali ʻa e kau tangata ʻi he tafaʻaki ʻe tahá ke ʻohofi kinautolu.
Ko e hā te tau faí?
Tuʻu maʻu …
… pea vakai ki he fakamoʻui ʻa e ʻOtuá.
Ne ʻikai fuoloa kuo tō ha matangi
ʻOku ʻi he matangi ko ʻení ʻa e ʻOtuá!
Naʻe fakatupu ʻe he ʻuhá ke māʻolunga hake ʻa e vaitafé ʻo ʻikai lava ai e ngaahi fili ʻo e ʻapitangá ʻo kolosi ai.
Hili ha ngaahi ʻaho siʻi, naʻe maʻu ʻe Siosefa ha fakahā kuo taimi ke nau foki ki ʻapi, neongo naʻe teʻeki ke nau tokoniʻi e Kāingalotu Mīsulí ke nau foki ki honau ngaahi ʻapí.
Kuo tali ʻe he ʻEikí ʻetau ngaahi feingá.
Kuo ʻomi kitautolu ke tau mamaʻo ʻaupito ke ʻahiʻahiʻi ʻetau tuí. (Vakai, Tokāteline mo e Ngaahi Fuakava 105:19.)
Naʻe pehē ʻe ha niʻihi naʻe ʻikai ola lelei e fonongá.
Kuo ʻikai ha meʻa ʻe maʻu ʻi heʻetau fononga mamaʻo mai ko ʻení!
Ko e hā ʻoku tau ʻalu ai ki ʻapi ʻoku teʻeki ai ke tau tokoniʻi e Kāingalotu hení?
Naʻe lau ia ʻe ha tokolahi ko ha faingamālie ke feohi mo ako mei he Palōfitá.
Naʻe tokoni e ʻApitanga ʻo Saioné ke teuteuʻi e kau taki ʻo e Siasí ki he kahaʻú. Naʻe ui ha kau tangata ʻe toko valu naʻa nau laka mo e ʻApitanga ʻo Saioné ki he Kōlomu ʻo e Kau ʻAposetolo ʻe Toko Hongofulu Mā Uá.