“Ko Hono Langa ʻo Saione ʻi he Uouangatahá,” Ki Hono Fakamālohia ʻo e Toʻu Tupú, Sepitema 2021, 20.
LeaFakaʻosí
Ko Hono Langa ʻo Saione ʻo fakafou ʻi he Uouangatahá
Mei ha lea ʻi he konifelenisi lahi ʻo ʻOkatopa 2008
Ko Saioné ko ha feituʻu ia pea mo ha kakai. Ko Saioné ko e hingoa ia naʻe foaki ki he kolo fakakuongamuʻa ʻo ʻĪnoké. Naʻe ui ʻe he ʻEikí ʻa e kakai ʻo ʻĪnoké ko Saione “koeʻuhí he naʻa nau loto-taha pē mo fakakaukau taha, pea nau nofo ʻi he māʻoniʻoni; pea naʻe ʻikai ha kakai masiva ʻiate kinautolu.” (Mōsese 7:18). Naʻá Ne folofola ʻi ha feituʻu kehe, “He ko Saione ʻeni—ko e loto-maʻá” (Tokāteline mo e Ngaahi Fuakava 97:21).
Ke fokotuʻu ʻa Saione ʻi hotau ngaahi ʻapí, koló, uōtí, mo e siteikí, ʻoku fie maʻu ke tau (1) hoko ʻo uouangataha ʻi he loto mo e fakakaukau pē taha; (2) hoko ko ha kakai māʻoniʻoni; pea (3) tokangaʻi ʻa e masivá mo e faingataʻaʻiá. Heʻ ikai lava ke tau fakatatali e ngaahi meʻá ni kae ʻoua kuo hoko mai ʻa Saione—ʻe toki haʻu pē ʻa Saione heʻene hoko ʻení.
Te tau hoko ʻo loto-taha mo fakakaukau taha ʻi heʻetau takitaha fakatefito ʻetau moʻuí ʻi he Fakamoʻuí pea tau muimui ki he kakai kuó Ne fakamafaiʻi mai ke nau tataki kitautolú, pea uouangataha ʻi he feʻofoʻofani mo e fetauhiʻaki. ʻE hanga ʻe he uouangataha mo e feʻofaʻaki ko ʻení, ʻo liunga laui afe ʻi ha ngaahi founga kehekehe, ʻo “toe ʻomi … ʻa Saione” (ʻĪsaia 52:8).
Tā fakatātaaʻi ʻe Albert Pinilla