“Ikonektar,” Alang sa Kalig-on sa mga Kabatan-onan, Okt. 2021.
Ikonektar
Alexander R.
18, Viken, Norway
Litrato pinaagi ni Ashlee Larsen
Ang akong paborito nga kalingawan mao ang paglayag, diha sa mga kompetisyon o aron lang maglingaw-lingaw. Ako ug ang akong kaluha nga lalaki kauban nga maglayag pirme. Nindot kaayo nga maanaa sa lawod nga kami lang.
Ang Ginoo motabang kanako sa paglayag usahay. Kon naugtas ko sa dihang maglayag ko, dili ako maka-focus. Apan maghunahuna dayon ko sa tanang maayong mga butang nga gihatag sa Ginoo kanako, ug bation nako nga mas kalma.
Ang Ginoo mihatag usab kanako og kalinaw sa akong pamilya. Ang akong papa dili miyembro sa Simbahan, apan kanunay siyang misuporta kanako ug sa akong mga igsoon. Sama kami sa mga misyonaryo ngadto sa among papa tungod kay nagpakita kami og maayong ehemplo. Sa dihang nagmisyon ang akong igsoon nga lalaki, ang akong papa nainteresado gayod kon sa unsang paagi ang akong igsoon nga lalaki nagtuon sa ebanghelyo ug mitabang sa mga tawo. Kon magmisyon na ako, nanghinaot ako nga mas mainteresado pa siya sa ebanghelyo. Nanghinaot ako nga sa umaabot gustohon niya nga magpabunyag.