“Ang Ngalan sa Iyang Simbahan,” Alang sa Kalig-on sa mga Kabatan-onan, Okt. 2021.
Pagtulon-an human sa usa ka Pagtulon-an
Ang Ngalan sa Iyang Simbahan
Adunay kahulogan luyo sa ngalan nga gihatag ni Jesukristo sa Iyang Simbahan.
akong simbahan
Simbahan—usa ka grupo sa mga tawo kinsa nagtuo sa samang mga butang ug magdungan sa pagsimba. Kini nga Simbahan Iya ni Jesukristo. Siya ang misugod niini. Siya ang nangulo niini. Iyaha kini.
pagatawgon
Si Jesukristo nagsulti kanato unsa ang Iyang gusto nga itawag sa mga tawo sa Iyang Simbahan. Busa mao kana ang atong itawag niini—ug mao ang atong ihangyo sa uban sa mabinationg paagi nga itawag niini. Kini nga ngalan naggikan ni Jesukristo.
kataposang mga adlaw
Kataposang mga adlaw—ang adlaw nga kita nagpuyo; ang panahon sa dili pa ang Ikaduhang Pag-anhi ni Jesukristo. Si Jesukristo midala sa Iyang Simbahan balik dinhi sa yuta niining kataposan nga higayon. Kini makatabang sa pag-andam sa kalibotan alang sa Iyang Ikaduhang Pag-anhi.
Ang Simbahan ni Jesukristo
(Tan-awa sa “akong simbahan.”) Kini mao ang unang bahin sa ngalan nga gihatag sa Manluluwas ngadto sa Iyang Simbahan. Gitawag niya kini nga “Ang Simbahan” tungod kay Siya ang miorganisar niini. Ug gibutang Niya ang Iyang ngalan diha niini.
Ulahing mga adlaw
(Tan-awa sa “kataposang mga adlaw.”) Kini mao ang sunod nga bahin sa ngalan sa Simbahan. Kini yanong nagpakita nga kini mao ang Simbahan nga Iyang gibutang og balik karong panahona, dili mao kadtong Iyang gisugdan sa nahaunang panahon.
Mga Santos
Mga Santos—usa ka pulong nga nagpasabot “nga mga katawhan kinsa mga balaan.” Mao kini ang kataposang bahin sa ngalan sa Simbahan. Naghisgot kini mahitungod sa mga miyembro sa Simbahan. Si Jesukristo mahimong makalimpyo ug makaputli kanato. Ug Siya naghatag kanato sa Espiritu Santo sa paglig-on kanato samtang kita maningkamot sa pagbuhat sa unsay Iyang gisugo. Kon kita adunay hugot nga pagtuo diha Kaniya ug padayon nga maningkamot, Siya mohimo kanato nga balaan. Siya mohimo kanato nga mga Santos.