“Ang Balay sa Ginoo,” Alang sa Kalig-on sa mga Kabatan-onan, Okt. 2021.
Dali, Sunod Kanako
Ang Balay sa Ginoo
Niadtong Disyembre 1832, ang Ginoo misugo sa mga Santos sa Kirtland, Ohio, USA, sa pagtukod og templo.
“Pagtukod og usa balay, gani … usa ka balay sa Dios.”
Milungtad og tulo ka tuig aron makompleto ang templo. Ang mga Santos misakripisyo og panahon ug kwarta aron sa pagtukod niini.
Niadtong Marso 1836 nahuman kini. Gisultihan ni Joseph Smith ang mga Santos nga magpundok alang sa pagpahinungod.
Sa buntag sa Marso 27, 1836, mga 1,000 ka tawo ang mitambong sa pagpahinungod didto sa templo.
Si Sidney Rigdon namulong og sobra duha ka oras.
Dayon gibasa ni Joseph Smith ang pagpahinungod nga pag-ampo (tan-awa sa Doktrina ug mga Pakigsaad 109).
“Kami mangayo kanimo, O Ginoo, sa pagdawat niini nga balay.”
Usa ka choir ang mikanta og “Ang Espiritu sa Dios,” nga gisulat alang gayod sa okasyon.
Daghan ang mipamatuod sa dakong espirituhanong mga kasinatian nga ilang nasinati atol sa pagpahinungod, lakip sa milagroso nga mga panghitabo nga nagpakita nga ang Espiritu Santo nakaapekto sa mga tawo ug sa pagpakita sa mga anghel.
Niadtong Abril 3, si Jesukristo mipakita ngadto nila ni Propeta Joseph ug Oliver Cowdery didto sa templo. Siya misulti kanila nga Siya midawat niini isip Iyang balay ug nga ang mga Santos kinahanglan nga magmaya tungod sa mga panalangin nga ilang madawat.