Ko e hingoa ʻo Hono Siasí

ʻOku ʻi ai e ʻuhinga ʻo e hingoa naʻe foaki ʻe Sīsū Kalaisi ki Hono Siasí.

ko hoku siasí

Siasí—ko ha falukunga kakai ʻoku nau tui ki he ngaahi meʻa tatau mo lotu fakataha. Ko e Siasi ʻeni ʻa Sīsū Kalaisi. Naʻá Ne fokotuʻu ia. ʻOkú Ne tataki ia. Ko Hono Siasi ia.

ke ui

Kuo fakahā mai ʻe Sīsū Kalaisi ʻa e meʻa ʻokú Ne finangalo ke ui ʻaki ʻe he kakaí Hono Siasí. Ko ia ko e meʻa ia ʻoku totonu ke tau ui ʻakí—mo e meʻa ʻoku totonu ke tau kole ʻi he angaʻofa ki he niʻihi kehé ke nau ui ʻakí. Naʻe ʻomi ʻa e hingoa ko ʻení meia Sīsū Kalaisi.

ngaahi ʻaho fakaʻosí

Ngaahi ʻaho fakaʻosí—ʻa e ngaahi ʻaho ʻoku tau moʻui aí; ʻa e taimi kimuʻa ʻi he Hāʻele ʻAngaua Mai ʻa Sīsū Kalaisí. Kuo toe ʻomi fakaʻosi ʻe Sīsū Kalaisi Hono Siasí ki he māmaní. ʻE tokoni ia ke teuteuʻi ʻa e māmaní ki Heʻene Hāʻele ʻAngaua Maí.

Siasi ʻo Sīsū Kalaisi

(Vakai, “ko hoku siasí.”) Ko e konga ʻuluaki ʻeni ʻo e hingoa naʻe foaki ʻe he Fakamoʻuí ki Hono Siasí. ʻOkú Ne ui ia ko e “Ko e Siasí” koeʻuhí he naʻá Ne fokotuʻu ia. Pea kuó Ne ʻai ki ai Hono huafá.

ʻAho Kimui Ní

(Vakai, “ngaahi ʻaho fakaʻosí.”) Ko e konga hono hoko ʻeni ʻo e hingoa ʻo e Siasí. ʻOkú ne fakahaaʻi ko e Siasi ʻeni naʻá Ne toe fakafoki mai he ngaahi ʻaho ní, kae ʻikai ko ē naʻá Ne kamata ʻi he ngaahi kuonga kimuʻá.

Kau Māʻoniʻoní

Kau Māʻoniʻoní—ko ha foʻi lea ʻoku ʻuhinga ko e “kakai ʻoku māʻoniʻoni.” Ko e konga fakaʻosi ʻeni ʻo e hingoa ʻo e Siasí. ʻOku talanoa ia fekauʻaki mo e kāingalotu ʻo e Siasí. ʻE lava ʻe Sīsū Kalaisi ʻo fakamaʻa kitautolu. Pea ʻokú Ne foaki mai ʻa e Laumālie Māʻoniʻoní ke fakamālohia kitautolu ʻi heʻetau feinga ke fai ʻa e meʻa kuó Ne fekau maí. Kapau te tau tui kiate Ia pea fāifeinga, ʻokú Ne fakamāʻoniʻoniʻi kitautolu. ʻOkú Ne ngaohi kitautolu ko e Kau Māʻoniʻoni.