“Unsa ang Adam-ondi-Ahman? Unsa ang importansiya niini?” Alang sa Kalig-on sa mga Kabatan-onan, Okt. 2021.
Direkta sa Punto
Unsa ang Adam-ondi-Ahman? Unsa ang importansiya niini?
Better Than Paradise [Mas Maayo pa kay sa Paraiso], ni Kendal Ray Johnson
Si Joseph Smith nakakat-on mahitungod sa Adam-ondi-Ahman pinaagi sa pagpadayag ug inspirasyon. Kini mao ang ngalan sa usa ka dapit diin si Adan, ang unang tawo, mipuyo uban sa iyang asawa, si Eva, sulod sa mubong panahon. Kini mao ang panahon human sila gipapahawa sa Tanaman sa Eden. Tulo ka tuig sa wala pa siya namatay, si Adan mipundok sa tanan sa iyang matarong nga mga kaliwatan didto ug mipanalangin kanila.
Sa kataposang mga adlaw, si Adan, isip usa ka nabanhaw nga nilalang, moabot pag-usab sa dapit nga gitawag og Adam-ondi-Ahman, nga nahimutang sa amihanang Missouri, USA. Didto siya usab mopundok apil ang uban, lakip sa daghan pang nabanhaw nga mga nilalang. Ang mga propeta kinsa naghupot sa mga yawe sa pagkapari motugyan sa ilang mga yawe ngadto ni Adan, kinsa mao ang una nga naghupot niana nga mga yawe ug mao ang amahan sa tawhanong pamilya dinhi sa yuta. Siya dayon motugyan sa mga yawe ngadto ni Jesukristo. Kini mahimong usa ka importante nga panghitabo aron sa pagtabang sa pag-andam alang sa Ikaduhang Pag-anhi ni Jesukristo sa tibuok kalibotan.