N̄an Un eo

Etke ejjeļo̧k menin kabwilōn̄lōn̄ ko rainin āinwōt kar ilo jeje ko rekwojarjar?

Jeje ko rekwojarjar ewōr ilo er bwebwenato ko kōn kabwilōn̄lōn̄. Jet eļap aer eļļap im kabwilōn̄lōn̄, āinwōt kōjepeļļo̧k eo an Red Sea ak kajutak juon armej jān mej. Akō raan kein? Mennin kabwilōn̄lōn̄ ko rej ke waļo̧k wōt?

Aaet, rej wōt. Jemaron̄ jab ron̄ kaki aolep iien, ak menin kabwilōn̄lōn̄ ko rej waļo̧k ōt ilo mour ko an armej aolep iien.

Elder Ronald A. Rasband jān Doulul eo an Jon̄oul Ruo Rijilōk ro ekar ba: “Elōn̄ iaami ekar kam̧oole mennin bwilōn̄ ko, elōn̄ļo̧k jān ami kile. Remaron̄ āinwōt dik ilo keidi. … Bōtaab wōj eo ejjab kōjenolo̧k juon mennin bwilōn̄, eo wōt me ej itok jān Anij” (Epr. 2021 kweilo̧k eo eļap [Liaona, Māe 2021, 110]).

Jabdewōt jipan̄ jān Anij maron̄ ba ej juon kabwilōn̄lōn̄. Elōn̄ im lōn̄ armej rej iooni menin kabwilōn̄lōn̄ ko. Armej rein jet iien rej kwaļo̧k bwebwenato ko aer, bōtaab eiten aolep iien rej kakwojarjari—ikōtaaer make im Anij.

Im keememej men kein ruo reaurōk kōn menin kabwilōn̄lōn̄ ko: (1) menin kabwilōn̄lōn̄ ko rej itok wōt ilo an armej tōmak, im (2) menin kabwilōn̄lōn̄ ko rej walo̧k ekkar n̄an ankilaan Anij im iien eo an. Jemaron̄ jab maron̄ kālet wāween im n̄eet, ak menin kabiwlōn̄lōn̄ ko an Anij rej waļo̧k, em̧ool bar rainin. Aaet bar n̄an eok.