“Kōbpopo n̄an Bujen ko an Tampeļ,” N̄an Kōkajoorļo̧k Jodikdik ro, Juļae 2022.
Unin Tōl eo im N̄a
Jodikdik ro rej kwaļo̧k ekōjkan aer mour kōn naan ko an Unin Tōl ko an Doulul eo an Jiron̄ ro im Doulul eo an Priesthood eo an Aron
Kōbpopo n̄an Bujen ko an Tampeļ
“Inaaj … kōm̧m̧an im kōjparok bujen ko rekwojarjar, im bōk kain̄i ko im kōjeraam̧m̧an ko an tampeļ eo ekwojarjar.”
Pija jān Temple Crowd Sourcing, lan̄ letok jān Getty Images
Ilukkuun iakwe etal n̄an tampeļ! Kam̧m̧oolol n̄an tampeļ eo, emaron̄ wōr juon aō baam̧le n̄an indeeo, jipan̄ aiin Israel, im bōk im̧we ko an jetōb im kainōm̧m̧an.
Ke baam̧le eo aō ekar em̧m̧akūtļo̧k n̄an m̧weo im̧ōm ekāāl, ikar kam̧oolol bwe ekar ipaake tampeļ eo. Ekar em̧m̧an aō laleļo̧k tampeļ eo jān wūņto in ruum̧ in kiki eo aō. Aolep raan ij loe tampeļ eo, ebar kakeememej n̄a n̄an kōbpopo n̄an kōm̧m̧an bujen ko n̄an indeeo.
Elukkuun aurōk n̄an pojak n̄an bujen ko kwoj kōm̧m̧ani ilo tampeļ im n̄an jipan̄ armej itulikin rōn̄ōl eo kōm̧m̧ane bujen ko barāinwōt. Ij riit kōn tampeļ im kajjeon̄ bwe in maron̄ in pojak bwe in maron̄ kōm̧man eļapļo̧k bujen. Brother eo aō ej kab m̧ōj an bōk menin letok kwojarjar eo an, im ekar juon en̄jake aurōk n̄an e. Loe jon̄an an m̧ōņōņō ekar kōm̧m̧an bwe in kile bwe ikōņaan bar kōjeram̧m̧an ko!
Bōtaab men̄e tampeļ eo ekar pād nam̧ōjen wūņto eo aō, ikar jab kōņaan kajjej tokjen. Kōn menin ikar kajjeon̄ mour ilo juon wāween eo bwe in iien otemjej erreo n̄an etal n̄an tampeļ.
Ke tamepļ eo ekar kilōk ilo iien ajeeded in nan̄inmej eo, ekar wōr aō tōmak bwe eban kar aitok kitien an kilōk. Innem āliktata ikar maron̄ nej kab tōn jinountata jepļaak n̄an tampeļ eo, im ekar juon en̄jake aurōk. Ikar ikūm̧kūm̧ jidik kōnke ekar to aō bar pād ijo. Bōtaab ke ikar bar juur lowaan, ikar en̄jake bwe ijo eo ij aikuj pād ie. Ikar maron̄ en̄jake Jetōb.
Ewōr juon aō naan in kam̧ool kōn jikin ko rekwojarjar, im ikijooror n̄an kōm̧m̧an elōn̄ļo̧k bujen ko ippen Jemedwōj Ilan̄.
Rijeje eo ej jokwe ilo Idaho, USA.