Sunnudagsmorgunn

Ætlun Guðs er að leiða ykkur heim

Útdráttur

Öldungur Patrick Kearon

í Tólfpostulasveitinni

Allt í áætlun föðurins fyrir ástkær börn hans er hannað til að leiða alla heim. …

Þýðir þetta að það skipti engu hvernig við lifum lífi okkar? … Nei, auðvitað ekki. … Allar kenningar hans gefa í grunnatriðum til kynna að það að lifa á æðra plani siðferðislegrar breytni sé ákall um persónulega framþróun, til umbreytandi trúar á Krist, til máttugrar breytingar hjartans. …

Ef við trúum að ætlun altækrar áætlunar föðurins sé að frelsa okkur, endurleysa okkur, sýna okkur miskunn og þar með færa okkur hamingju, hver er þá ætlun sonarins sem leiddi fram þessa miklu áætlun? …

Vilji Jesú er vilji hins gæskuríka föður! Hann vill gera hverju einasta barni föður síns mögulegt að ná lokatakmarki áætlunarinnar – eilífu líf með þeim. Enginn er undanskilinn þessum guðlegu möguleikum. …

Frelsarinn, góði hirðirinn, fer og leitar að týndum sauðum sínum þar til hann finnur þá. …

Nei, hann setur ekki upp vegatálma eða fyrirstöður; hann fjarlægir það. Hann heldur ykkur ekki fjarri; hann býður ykkur velkomin inn. …

Þetta eru góðu fréttirnar! Ég er ólýsanlega þakklátur fyrir þennan einfalda sannleika. Ráðagerð föðurins, áætlun hans, stefna hans, ásetningur hans, ósk hans og von hans, eru einungis til þess gerð að lækna ykkur, til að færa ykkur frið, til að leiða ykkur og ástvini ykkar heim.

Kynnist öldungi Patrick Kearon

Fæddur 18. júlí 1961 í Carlisle, Cumberland, Englandi.
Bjó í Arabíu í nokkur ár með fjölskyldu sinni.
Byrjaði í heimavistarskóla í Englandi þegar hann var 10 ára. „Harry Potter hafði það svo sannarlega ljúft í Hogwartskóla í samanburði,“ sagði hann um heimavistarskólann. „Það var erfitt.“ En bæði í Arabíu og Englandi, sagði hann: „hitti ég fullt af ólíku fólki“ og „lærði af reynslunni að í flestum tilfellum er fjölbreytileikinn góður, jafnvel dásamlegur! Líf mitt hefur verið auðgað ómælanlega af því að eiga samskipti við fólk af mismunandi menningu og trú frá öllum heimshornum.“
Stunginn í fótinn af sporðdreka þegar hann var sjö ára gamall í útilegu.
Þegar hann var níu ára gamall í eyðimörkinni í Arabíu, kenndi faðir hans honum að aka bíl.
Skírður á aðfangadagskvöld árið 1987, 26 ára gamall.
Kynntist eiginkonu sinni, Jennifer, þegar hún heimsótti London í námi erlendis. Þau giftu sig í Oakland-musterinu í Kaliforníu í janúar 1991.
Eiga fjögur börn: Sean (sem dó í frumbernsku), Elísabetu, Súsönnu og Emmu.
Starfaði í Bretlandi, Sádi Arabíu og Bandaríkjunum í mörgum atvinnugreinum. Hann og eiginkona hans ráku eitt sinn eigið samskiptafyrirtæki.
Studdur sem aðalvaldhafi 3. apríl 2010.
Kallaður í Tólfpostulasveitina 7. desember, 2023. „Þessi heilaga köllun er mér afar óárennileg og auðmýkjandi,“ sagði hann. „Ég mun þurfa að setja allt mitt traust á frelsarann, er ég leitast við að verða það sem hann þarfnast að ég sé og miðla vitnisburði mínum um elsku hans og ljós. … Ég elska hann. Ég mun reyna að þjóna honum eftir bestu getu.“