“Wanem bae hapen sapos mi no save talemaot se mi save se gospel ia i tru?,” Blong Ol Yut Oli Kam Strong, Julae 2024.
Go Stret long Poen
?Wanem bae hapen sapos mi no save talemaot se mi save se gospel ia i tru?
Sapos yu filim se yu no save talem, “Mi save,” hem i ORAET. Stat wetem wanem yu bilivim. Mo sapos yu no save gud abaot hemia, statem wetem wanem yu wantem tumas blong bilivim. Afta “letem samting i wok insaed long yufala” (Alma 32:27) mo lidim yufala blong tekem aksen—blong prea, stadi, sakem sin, givim seves. Taem yu eksasaesem fet, luksave ol tingting mo ol filing blong yu. Taem bae i pas, bae yu save gat strong tingting blong talem se “Mi biliv.”
“Bilif i wan impoten toktok, iven i wan moa impoten aksen, mo [yu] no nid blong talem sore from, be yu ‘biliv nomo.’”
Lukaotem gud ol trutok blong gospel we yu bilivim. Tekem aksen folem olgeta. Stap tru long olgeta. Taem yu mekem olsem, Hem bae i blesem yu wetem Tabu Spirit. Mo yu save filim insaed hom, long Jos, nomata wanem kaen testemoni yu gat. Olsem Presiden Dieter F. Uchtdorf, we i–Seken Kaonsela insaed long Fas Presidensi i talem, “Mi no save wan saen long doa blong japel blong yumi we i talem: ‘Testemoni blong yu i mas bigwan olsem blong yu save kam insaed’”