Ol Sapraes Kwestin mo Prea

Tayana C., ej 17, blong Abidjan, Côte d’Ivoire

Pikja

yang woman

Ol foto oli kam long Ebick Ngoma

I no longtaem i pas, mi wari from mi no bin gat ol mak long skul olsem we mi wantem. Mi tingting long hem mo luksave se mi no stap talem ol prea blong mi o stap ridim ol skripja blong mi. Mekem se mi disaed blong ridim ol skripja mo prea evri moning. Kwiktaem, ol mak blong mi oli stat blong go antap smol smol. Blong stap ridim ol skripja mo stap prea i bin helpem mi bigwan.

Wan nara taem, mifala i bin gat wan sapraes kwestin long skul. Mi no bin stadi. I nogat wan i bin stadi—tija i bin sapraesem mifala. Evriwan oli stat blong kopi ansa blong kwestin. Mi bae mi no giaman—Mi wantem tumas blong kopi. Be wan samting i talem long mi se, “Yu mas sidaon mo mekem bes wetem wanem we yu save.” Hem i wan sofsof voes. Mi bin wari, mo voes ia i toktok stret long hat long mi. Mekem se mi no lukluk i go long lef saed, mo mi no lukluk i go long raet saed. Mi ansa long wanem we mi save. Long en, mi wan nomo we mi karem hae mak. Mi glad se mi bin lisin long Tabu Spirit.