“Nogat wan long skul i gat ol semmak standet olsem blong mi. ?Olsem wanem nao mi save mekem ol gudfala fren long ples ia?,” Blong Ol Yut Oli Kam Strong, Julae 2024.
Ol Kwestin mo Ol Ansa
“Nogat wan long skul i gat ol semmak standet olsem blong mi. ?Olsem wanem nao bae mi mekem ol gudfala fren long ples ia?”
“Tokbaot ol intres blong yu we oli semmak. Yu no nid blong tanem laet blong yu i go daon. Yu nid nomo blong stap olsem wan nomol yangfala we i save pat long sam long ol gudfala samting we ol narafala yangfala i gat gud taem tu wetem. Folem ol standet blong Jisas Kraes, mo mekem i klia long ol fren blong yu long skul abaot ol standet we yu folem.”
Jamie Ann B., 18, Negros Occidental, Philippines
“Faenem ol pipol wetem ol semak klas, intres, talen, o hapi aktiviti we yu mekem long fri taem. I gat sam gudfala pipol blong ol narafala fet, semak olsem sam narafala gudfala pipol we oli nogat fet nating. Olgeta tu ol pikinini blong God, we Hem i lavem. Taem yu gohed blong kipim ol standet blong yu, iven taem ol fren blong yu oli no mekem, eksampol blong yu bae i leftemap tingting blong ol narawan blong mekem ol gudfala joes.”
Lucy B., 15, Lima, Peru
“Gat fasin ia blong save wet longtaem mo gat tingting we i welkamem ol nara tingting. Frensip hem i abaot kwaliti, i no namba, mo blong gat smol namba blong ol tru fren i wan blesing bitim blong stap traehad blong traem blong stap semak wetem plante we valiu blong olgeta i no stret wetem ol valiu blong yu .”
Adedoyin Alma O., 17, Osun, Nigeria
“Serem ol standet blong yu wetem olgeta. Sapos oli save wanem ol standet blong yu, bae oli save respektem ol standet ia. Yu save invaetem ol fren blong yu long skul blong go long jos mo/o long ol Jos aktiviti blong helpem olgeta blong save moa abaot bilivim blong yu.”
Margarett P., 13, Texas, YSA
“Mi bin lanem se yu save faenem ol gudfala fren tru long ol toktok blong leftemap tingting, mo stap tru long yuwan. Samtaem ol pipol bae oli kam long yu, mo samtaem yu nid blong lukaotem, be bae i gat ol pipol we bae oli ol gud fren o oli nidim wan gud fren olsem yu.
Katie R., 18, Nebraska, YSA