“Paoa blong Ol Hiro,” Blong Ol Yut Oli Kam Strong, Julae 2024.
Paoa blong ol Skripja
Paoa blong Ol Hiro
Ol Buk blong Momon hiro oli nidim paoa tu, mo Jisas Kraes hem i stamba blong hem. ?Olsem wanem nao, yu save karem paoa blong Hem olsem we ol hiro ia oli bin karem?
Ol pikja droing oli kam long Jarom Vogel
Nifae: Revelesen (1–2 Nifae)
Livim hom, stap traehad wetem ol famli jalenj, mo fesem ol samting we yu no save gud i save kam had. Be taem hem i putum fet blong hem long Lod, Nifae i lanem blong lukaotem revelesen mo trastem Lod blong i gaedem hem.
Alma mo ol Boe blong Mosaea: Fasin blong sakem sin (Mosaea 27–28; Alma 36)
Hem i nidim paoa blong sakem sin mo talemaot se yu yu rong. Afta we grup blong ol fren ia oli bin eksperiensem wan strong invitesen blong sakem sin, oli tanem olgeta i go long Jisas Kraes mo faenem bigfala paoa. Oli gat strong tingting blong lego olfala laef blong olgeta mo, wetem fet, oli givim seves long Lod mo helpem ol narawan blong mekem semmak samting. Oli faenem bigfala glad.
Ol strong soldia: Faetem wan faet blong Laef (Alma 53; 56–57)
Laef i gat evri kaen faet. Ol yang man ia taem oli fesem ol faet, oli tingbaot wanem we ol mama blong olgeta oli bin tijim olgeta abaot gospel mo oli faet “wetem paoa blong God” (Alma 56:56).