Help long Laef

Ol Tul mo Risos blong Helpem Filing

I Kam long Marissa Widdison

Ol Magasin blong Jos

Hemia sam tul mo risos blong kipim yuwan i stap helti long saed blong filing.

Jisas Kraes

Yu save tingbaot plante wei blong kipim bodi blong yu i helti taem yu stap gro olfala. Yu save se Papa long Heven mo Jisas Kraes i lavem yu mo Tufala i wantem yu blong kea long bodi blong yu. Mo blong stap“kea long bodi blong yu i ingkludum, blong stap tekem kea long helt blong yu long saed blong tingting mo long saed blong filing(Blong Ol Yut Oli Kam Strong: Wan Gaed Buk blong Stap Mekem Ol Joes [2022], 29). Hemia ol samting we yu save mekem blong helpem yuwan blong stap helti long saed blong spirit!

• mobael fon

  Ol pikja aekon oli kam long Emily E. Jones

  Toktok wetem ol narafala man. Speseli taem yu harem nogud, bae yu wantem stap yuwan. Hem i ORAET blong sam taem, be i impoten tu blong spendem taem wetem ol pipol we oli stap leftemap tingting. Fasin blong stap yuwan i oltaem mekem ol jalenj oli kam moa had.

• Toktok insaed long ol balun

  Talemaot ol filing blong yu. Praktis blong stap ones abaot olsem wanem yu stap filim. Tokbaot ol filing blong yu long wan stret wei. Mo yes, hem i ORAET blong krae! Tingbaot taem we Jisas i krae (luk long Jon 11:32–35).

• bren

  Luksave se ol filing oli ol infomesen. Nomata se ol infomesen ia oli no isi blong talem, ol filing insaed mo blong olgetawan oli no save spolem yu. Traem blong faenemaot ol filing blong yu mo luksave wanem nao oli stap talem long yu.

• pen, pensel, bras blong pen

  Praktis blong kopi ol skil. Taem yu harem nogud o wari, lanem blong manejem olgeta filing ia long wan helti wei. Eksampol, plante pipol oli faenem se i helpem olgeta blong go long wan wokbaot, lisin long miusik, dro, prea, o raet long wan jenol.

• ol klaod

  Letem ol filing we i mekem yu filim se i no stret i kam mo go. Pulum gud win mo pikjarem ol klaod we oli stap muv long skae, o wota i stap ron daon long reva. Talem tangkyu long ol tingting mo ol filing blong yu, mo traem blong letem olgeta oli muv i go.

• ol skripja

  Gohed blong fidim spirit blong yu Ol skripja, ol hym, prea, jos—evri samting ia oli help blong mekem spirit blong yu i kam strong, we bae i helpem ful bodi blong yu i kam helti.

• wota botel mo ol sus

  Traem blong stap helti long saed blong bodi Helt blong yumi long saed blong filing mo helt long saed blong bodi, tugeta oli konek. Kakae helti kakae, tekem inaf taem blong slip, mo mekem i hapen wan fasin blong stap eksasaes, bae i helpem yu blong kam helti long saed blong filing taem yu stap gro.

• boe mo mama

  Askem help taem yu nidim. Ol bodi samtaem oli nidim profesonol help blong stap helti mo gud. Ol risos ia oli wan blesing we i kam long Papa long Heven, we i wantem blong helpem yumi. Long wan semmak wei, yumi nidim help blong ol dokta mo ol kaonsela blong yumi stap gud oltaem long saed blong filing. Sapos yu filim olsem se yu harem nogud blong longtaem, o sapos yu gat sam tingting blong spolem yuwan, plis askem wan bigfala man blong helpem yu. Yu no nid blong go tru long hemia yuwan! Lukaotem olgeta blesing we Papa long Heven i bin mekem i stap finis blong yu.

Blong moa risos, visitim mentalhealth.ChurchofJesusChrist.org.

Jekem Gospel Living ap truaot long manis blong moa tul mo risos blong help long saed blong helt blong filing.