Kya Hum Sab Bhikhaari Nahin Hai?
Elder Jeffrey R. Holland dwara
Barah Devduton ke Parishad ke
Dhanwaan ho ya gareeb, hamein “jo bhi hum kar sakein” karna hai jab anye log ki zarooratein hoti hai.
Humare maha sammelan ke tarike mein ek aschairiye naye bhaag ko arambh kiya gaya hai. Bien hecho, Eduardo.
Jo Unke prachaar ke shuruaat ka ashcharyejanak pal hota, Ishu Nazareth Apne ghar ke prachaar sthaan mein khade huwe aur yeh shabd jo Isaiah ne bhavishyevaani ki thi ko padha aur Luke ke Gospel mein likha: “Prabhu ka Aatma mujh par hai, isliye ki usne kangaalo ko susamachaar sunaane ke liye mera abhishek kiya hai, aur mujhe isliye bheja hai ki tutedilon ko changa karun, bandiyon ko chutkaare dilaaun, … susamachaar prachaar karun aur kuchle huwon ko chudaaun.”1
In shabdon ko padhkar Uddhaarkarta ne pehla saarvajanik ghoshna kiya Apne maseehi prachaar ka. Magar yeh verse se bhi spasht hota hai ki Unke aakhri praeshchit ke balidaan ke maarg par aur Punarjiwan ke samay, Ishu ka pehla aur zaroori maseehi zimmedaari kiya gaya tha ki usne gareeb ko ashirvaad diya, use bhi jo mann ke deen the.
Apne prachaar ke shuruaat se, Ishu gareeb aur masoom se ek alag dhang se prem karte the. Woh usi tarah ke do logon ke ghar mein janma tha aur waisa kayi logon ke beech bada hua tha. Hum Unki jiwan ke sabhi saansaarik tatva ko nahin jaante, magar Usne ek baar kaha tha, “Lomdiyon ke ghaddem aur … panchiyon ke basere hote hai; parantu manushye ke Putra ke liye sir dharne ki bhi jagah nahin hai.”2Hum jaante hai ki swarg aur jagat ko “aur usmein ki saari vastuwon ki”3 Rachnewaala, Apne buzurg awastha mein, bina ghar ke tha.
Itihaas bhar mein, gareebi maanav jaati ki sabse badi aur faeli hui kathinaaiya rahi hai.Gareebi ke parinaam aksar shareerik hote hai, magar jo aatmik aur bhaotik nuksaan usse pahunchta hai bahut hi haanikaarak ho sakta hai. Kisi bhi kahani mein, us mahaan Muktidaata ne lagataar hamein pukaara hai Unke saath is bhaari bojh ko logon par se hataane ke liye. Jehovah ki bhumika mein, Usne kaha Woh Israel ke gharane ka kadaai se jaanch karega kyunki “[zarooratmandon] ka dhan tumne lutkar apne gharon mein rakha hai.”
“Tumhara kya matlab hai,” Usne kaha, “ki tum mere praja ko peetoge, aur gareebon ke chehro ko pees daaloge?”4
Proverbs ka lekhak is baat ko spasht kar dega: “Jo apne padosi ko tuch jaanta woh paap karta hai,”aur “jo kangaal ki duhaai par kaan na de … woh khud [bhi] pukaarega, par uski suni na jaaegi.”5
Hamare dinon mein, Ishu Maseeh ka punahsthaapit Girjaghar ek saal ke liye bhi abhi punahsthaapit nahin hua tha jab Prabhu ne apne sadasyon se kaha ki woh “gareeb aur zarooratmand ki parwaah karein, aur unhein sahayta dein taaki unhein takleef na ho.”6 Us waakye mein aap aagya ki aawaaz ko pehchaane—“unhein takleef na ho.” Yeh bhaasha Parmeshwar istemaal karta hai jab woh kisi baat par zor dena chahata hai.
Jab duniya mein unch-neech ki kathinaai ko suljhaane ki baat aati hai, ek purush ya mahila kya kar sakta hai? Shikshak(Ishu Maseeh) ne khud ek jawaab diya hai. Jab, Uske vishwaasghaat aur Krus Par Chadhaane se pehle, Mary ne Ishu ke sir par keemti sangemarmar ka tel daala, Judas Iscariot ne is ka virodh kiya aur “uske virodh kuch kaha.”7
Ishu ne kaha:
“Tum use kyun sataate ho? usne to bhalaai ki hai. …
“Jo kuch woh kar saki usne kiya.”8
“Jo kuch woh kar saki usne kiya”! Yeh ek shaktishaali safaai hai! Ek ripotar ne ek baar Calcutta ki Maata Teresa se us shahar ke gareebon ko bachaane ke aashaheen kaam ke baare mein pucha. Usne sankhya ko dekh ke kaha, usne kuch bhi to nahin haasil kiya hai. Is choti si mahila ne turant jawaab diya ki uska kaam pyaar ke baare mein tha, sankhya ke baare mein nahin. Bhale hi woh kayi anye logon ki madad nahin kar saki, usne kaha ki usne ek aagya ka paalan kiya Parmeshwar aur apne padosi se prem karo, un logon ko bachaane se jin tak woh pahunch saki apne saadhanon ke saath. “Humse jo bhi ho paata hai shaayad saagar mein sirf ek bund sa dikhe,” usne kabhi kaha tha. “Par agar hum woh na kare, tab saagar mein ek bund kam hoga [jitna abhi hai usse].”9 Gambheerta se ripotar ne samjha ki Isaai dharam sankhya se taalluk nahin rakhta. Usne tay kiya ki agar swarg mein zyaada khushi hoti hai ek paapi ko lekar jo pashchataap karta hai un ninaanbe(99) ke milaan mein jinhe pashchataap ki zaroorat nahin hai, tab toh Parmeshwar pratishaton ki parwaah nahin karta.10
Tab hum “jo kuch bhi kar sakte hai” kaise karein?
Ek baat ke liye, jaise Raaja Benjamin ne sikhlaaya tha, hum is kaaran se apne saadhanon ko daba kar na rakhein kyunki hum sochte hai ki gareebon se apna dukh khud apne upar laaya hai. Shaayad kuch logon ke kathinaaiyaan unhi ke kaaran aayi hai, par kya baaki log wahi nahin karte? Kya yahin woh vajah nahin ki yeh dayalu raaja puchta hai, “Kya Hum Sab Bhikhaari Nahin Hai?”11 Kya hum sab madad aur aasha aur prarthnaaon ke jawaab ke liye nahin pukaarte? Kya hum sab apne galtiyon aur hamare zariye utpann hue musibaton ke liye maafi ki bheek nahin maangte? Kya hum kripa ki bheek ki alochna nahin karte apne kamzoriyon ko chupane ke liye, ki daya nyaye ke upar vijayi hoga hamare stithi ko lekar? Yeh ashcharyejanak nahin, hai ki, Raaja Benjamin kehta hai hum paapon se chama paate hai Parmeshwar se vinti karne ke baad, jo daya se uttar deta hai, magar hum apne paapon ke chama hone ko rok dete hai jab hum gareebon ki vinti nahin sunte.12
Daya ke saath deen logon ki sahayta karne ke saath saath, hamein un zarooratmandon ke liye bhi prarthna karna chahiye. Zoramitiyon ka ek dal, jinhe unke dharam ke log “gande” aur “bekaar”—yeh dhaarmik shabdein hain— samajhte the, ko unke prarthna gharon se baahar bheja gaya “kyunki unka pehnaawa ghatiya tha.” Mormon kehta hai, woh “sansaarik sampati mein unke paas bahut hi kam vastuwein thi; aur … hriday se bhi deen the”13—do stithiyaan jo lagbhag hamesha saath aati hai. Alma aur Amulek jo ek saath prachaar karte the ne un ghatiya poshak ke logon ke hit mein baate ki unhein batlaa kar ki bhale unhein log sabhi suvidhaaen nahin dete hai, woh hamesha —apne kheton aur apne gharon, apne parivaaron aur apne hridayon mein prarthna kar sakte hai.14
Par phir, isi dal se, jinhe khud thukraaya gaya tha, se Amulek kehta hai, “[Aapke prarthna] karne ke baad, agar [ tumne] kisi deen, aur nange ko thukraaya, aur beemaar aur dukhi ko na bhent kiya, aur apne sampati mein se, agar [tumhare] paas[woh] hote hue, zarooratmand ko na diya—mai tumsekehta hoon, … tumhara prarthna vyarth ho jaaega, aur tumhare liye koi laabh nahin hoga, aur [tum] usi prakaar dhoni hoge jaise ki avishwaasi hote hai.”15 Yeh hamein shaktishaali dhang se yaad dilaata hai ki, chaahe hum dhanwaan ho ya gareeb, hamein “jo bhi hum kar sakein” karna hai jab anye log ki zarooratein hoti hai.
Ab, mujhe doshi na tehraaya jaae ki mainne raaste par bheek maangna ko uchit kaarye kaha hai, isliye mai aapko aashwaasan deta hoon mai bhi anye logon ki tarah mehnat, kamkharchi, atma-nirbharta, aur abhilaasha ke siddhaanton ka mazbooti se saath deta hoon jaise koi aur jiwit vyakti deta hai. Humse aasha ki jaati hai ki hum kisi se madad maangne se pehle khud apna madad karein. Iske alaawa, mai nahin jaanta ki kaise aapko apni zimmedaari puri karni hai un logon ko lekar jo kabhi bhi khud ki madad nahin karte ya nahin kar sakte. Magar mai jaanta hoon ki Parmeshwar jaanta hai, aur Woh tumhe madad karega aur chelapan ke dayalu kriyaon mein maargdarshan dega agar tum lagataar chahate aur vinti karte ki Uske diye kisi niyam ko pura karne ke tarike dhoondhte ho jo Unhonne hamein diya hai.
Tum yahan pahechan ki mai samaajh ke kathin zarooraton ke baare mein baate kar raha hoon jo sirf Girjaghar sadasyon par hi nahin laagu hote hai. Saobhaagye se Prabhu ka tarika apnon ko sahayta dene ka aur bhi aasaan hai: woh sab jo shaaririk rup se changa hai ko upwaas ka kaanoon paalan karna hai. Isaiah ne likha:
“Kya yeh woh upwaas nahin jo maine chuna hai?…
“Kya woh yeh nahin ki apni roti bhukon ko baant dena, aur anaath aur maare maare firte huwon ko apne ghar le aana? kisi ko nanga dekhkar, vastra pahenana … ? [ki tum] bojh ko todkar, aur … dukhi logon ko chuda lena… ?”16
Mai un chamatkaaron ki gawahi deta hoon, donon dhaarmik aur saansaarik, jo unhein milta hai jo upwaas ke niyam ko jeete hai. Mai un chamatkaaron ki gawahi deta hoon jo mere saath ghate hai. Sach mein, jaise Isaiah ne likha tha, maine apne upwaas mein ek baar se zyaada pukaara, aur sach mein Parmeshwar ne jawaab diya, “Mai yahan hoon.” 17 Is pavitra saobhaagye ko kam se kam har mahine to aazmaao, aur apne upwaas bhent mein jitna ho sake utna daansheel raho aur anye hiumeniterian, shiksha sambandhi, aur prachaarak daano mein. Mai vaada karta hoon ki Parmeshwar tumhare saath daansheel rahega, aur jo log tumhare haathon se sahayta praapt karenge tumhare naam ko sada dhanye kahenge. Girjaghar ke teen chautayi se zyaada sadasyon ko pichle saal upwaas bhenton se sahayta mili hai jo sewanisht bishop aur Sahayak Sanstha pradhaan ke dwara diye gaye the. Isse to kitne saare abhaari Antim-din Sant huwe.
Bhaaiyon aur bahanon, is tarah ke bhaashan mein apne jiwan mein na kamae hue ko khule taur se, ayogye, na khatam hone waale ashirvaadon ko yaad karna chahiye, donon saansaarik aur dhaarmikta se. Tumhari tarah, mujhe paeso ki chinta hoti thi samay samay par, magar mai kabhi gareeb nahin tha, na to mai jaanta hoon ki gareeb kaisa mehsoos karte hai. Iske alaawa, mai sabhi kaaran nahin jaanta ki kyun janam, swaasth, padhaai, aur aarthik maoke maranshilta mein itne alag hai, magar jab mai saekdo logon ki maango ko dekhta hoon, mai yeh nahin jaanta ki “agar Parmeshwar ka kripa nahin hota, mujhe kya kuch jhelna padta.”18 Mai yeh bhi jaanta hoon ki mai apne bhaai ka rakhwaala nahin, mai apne bhaai ka bhaai hoon, aur “kyunki mujhe bahut kuch diya gaya hai, mujhe bhi dena chahiye.”19
Is baat ko lekar, mai Pradhaan Thomas Spencer Monson ko khud samaanit karta hoon. Mujhe is manushye ko 47 varshon se jaanne ka ashirvaad mila hai, aur marte dam tak mai uska ek rup hamesha yaad rakhunga jab–woh aarthik rup se ujda hua Purab Germany se laota tha ghar mein pahenne waale jute pahen kar kyunki usne sirf apna dusra suit aur uske anye shirt hi nahin par paer ke jute bhi daan kar diye the. “Kitne sundar hai pahaadon par [aur hawaiadde se guzarne waale] unke paer jo achche samachaar aur shaanti laata hai.”20 Kisi bhi insaan se zyadad mujhe pata hai ki, Pradhaan Monson ne “wohi kiya jo woh kar saka,” vidhwaaon aur bina-pita ke bachchon ke liye aur usne to ab tak bahut kuch kar diya hai.
1831 ke ek praktikaran mein Prabhu ne Bhavishyevakta Joseph Smith se kaha, ki gareeb ek din Parmeshwar ka raajye ko unke paas aata dekhenge “shakti aur mahaan mahima ke saath.”21Mai aasha karta hoon ki hum is bhavishyevaani ko pura karne mein madad karenge apne sachche Ishu Maseeh ke Girjaghar ke sadasyata ke shakti aur mahima mein woh kare jo ho humse gareebi ke bandiyon ko chutkaara dilane aur unke sapnon ko nasht hone se bachaane ke liye, mai vinti karta hoon Ishu Maseeh ke kripalu naam se, amen.