“Prabhu, Kya Woh Mai Hoon?”
Pradhaan Dieter F. Uchtdorf dwara
Pratham Adhyakshta ke Dusre Salaahakaar
Hamein apne ghamand ko bagal karna hai, apne dikhaawe ko nazarandaaz kar dena hai, aurvinamrata se puchna hai, “Prabhu, kya woh mai hoon?”
Woh hamare Uddhaarkarta ka antim raat tha maranshilta mein, us shaam se pehle jab Woh Khudko sabhi maanav jaata ko chudaane ke daan mein de diya. Jab Usne Apne chelon ke saath roti ko toda, Usne kuch kaha jisse unke hriday mein achambha aaya hoga aur gehri udaasi bhi. Usne kaha, “Tum mein se ek mujhe pakadwaaega.”
Chelon ne Unke kahi baat ki sachchaai nahin jaanni chaahi. Na to woh idhar udhar dekhein, taaki kisi aur par ungli uthaae, aur kahe, “Kya woh yeh hai?”
Balki, “woh bahut udaas hue, aur har ek usse puchne laga, he Prabhu,kya woh mai hoon?”1
Mai yeh soch raha hoon ki hum kya karte agar Uddhaarkarta ne humse yeh sawaal kiya hota. Kya hum apne aas paas waalo ko dekhte aur khud se kehte, “Shaayad yeh Bhaai Rama ke baare mein keh raha hai. Maine hamesha uspar shak kiya hai,” ya “achcha hua ki Bhaai Rama yaha hai. Use yeh sandesh sunne ki zaroorat thi”? Ya kya hum, us samay ke chelon ki tarah, khud ki sochte aur yeh mahatvapurn sawaal apne baare mein puchte: “Kya woh mai hoon?”
In saral shabdon mein, “Prabhu, kya woh mai hoon?” “ mein gyaan ka shuruaat aur vyaktigat samarpan aur anant badlaao hai.
Dendilaeans(Peele Zebra Phool ki tarah ka jangli phool) ka Niti Vachan
Ek samay ek aadmi tha jise shaam ke samay apne pados mein tahelna pasand tha. Use apne padosi ke ghar ke saamne se guzarna khaas pasand tha. Is padosi ka aangan bahut saaf sutra rehta tha, phool hamesha khilte the, ped swath aur chaao dene waala. Aisa dikhta tha ki padsi bharpur koshish karta tha ki uska aangan sundar ho.
Magar ek din jab woh aadmi apne padosi ke ghar ke saamne se guzar raha tha, use is sundar aagan ke beech mein ek, bhaari, peeli rang ki dendilaean ka jangli ped dikha.
Yeh usko bahut vichitra laga. Uske padosi ne ise kyun nahin ukhaada tha? Kya usne dekha nahin tha? Kya woh nahin jaanta tha ki uske beej wahi par aur jangli pedon ko na uga dein?
Yeh akela dendilaean har samay use takleef deta tha, aur woh kuch karna chahata tha is ke baare mein. Kya woh use sirf ukhaad kar phenk sakta tha? Ya use ped maarne waale dawaai se maar sakta tha? Shaayad agar woh raat ke samay jaaye tab, woh use chupke ukhaad sakta tha.
Ghar lautte samay yeh sab baaton se uska mann bhaari ho gaya tha. Woh apne ghar mein gaya bina apne khud ke aangan ko dekhe—jo ki kayi peele dendilaean ke phoolon se bhara tha.
Lakdiyaan aur Tinke
Kya yeh kahani hamein Uddhaarkarta ke shabd yaad dilaati hai?
”Tu kyun apni bhaai ke aankh ke tinke ko dekhta hai, aur apni aankh ka lakdi tujhe nahin sujhta? …
”… Pehle apni aankh mein se lakdi nikaal lein; tab tu apne bhaai ki aankh ka tinka bhali bhaati dekh kar nikaal sakega.”2
Lakdi aur tinke ki yeh kahani shaayad hamare khud ko na dekh sakne ki chamta ki tarah hai. Mai nahin jaanta hum kaise itni achchi tarah se anye logon ke musibaton ko jaan jaate hai aur sujhaao bata lete hai, jabki hamein aksar mushkil hoti hai apni khud ki musibaton ko dekhna.
Kayi saal pehle samachaar aayi ek aadmi ke baare mein jo vishwaas karta tha ki agar woh apne chehre par neebu ka ras laga le, tab woh kemron ke liye gaayab ho sakta hai. Isliye usne apne pure chehre par neebu ka ras laga liya, baahar gaya, aur do benkon mein daaka daala. Bahut der nahin hui ki use pakad liya gaya jab usi sham ki TV ke samachaar mein uska tasveer aaya. Jab pulis waalo ne aadmi ko Cameron se li gayi vidio dekhaaye, use khud par vishwaas nahin hua. “Magar mere chehre par to neebu ka ras tha!” usne kaha.3
Jab Cornell Vishwavidhyalay ke ek vaygyanik ne yeh kahani suna, use dilchaspi hui ki ek aadmi apne hi asamartha ko hi nahin pehchaan paaya. Yeh jaanne ke liye ki kya yeh ek aam samasya hai, do anusandhaankartaaon ne kolaj ke vidhyaarthiyon ko jiwan ke kuch yogyataaon se jude kuch parikshanon mein bhaag lene ke liye amantrit kiya aur phir unse pucha ki woh parinaam ke baare mein kya sochte hai. Jo vidhyaarthi ke jawaab kamzor dikhe unke kaam karne ke dhang ke milaan mein woh apna kaam ka andaaz lagane mein sabse piche the—un mein se kuch ke parinaam jitna woh soch rahe the usse paanch guna zyaada tha.4
Yeh adhyan kayi aur tariko se kiya gaya hai, har baar yahi parinaam par aata hai: hum mein se kayi log kathinaai ka saamna karte hai apne aap ko sahi maaine mein dekhne mein, aur kaamyaab log bhi apne khud ke yogdaan ko badha kar batlaate hai aur auron ke yogdaan ko ghata kar batlaate hai.5
Utna zaroori nahin hai badha kar kehna ki hum kitna achcha gaadi chala sakte hai ya kitni dur golf ke gend ko uda sakte hai. Magar jab hum vishwaas karna shuru kar dete hai ki ghar, kaam, aur girjaghar ke hamare yogdaan jitna hum karte hai se bada hai, tab hum apne aap ko andha kar dete hai ashirvaadon aur mauko ko dekhne se jiske zariye hum khud ko badhiya tarikon se pragati dila sakte the.
Andekhe Dhaarmik Sthaan
Mera ek pehchaan waala, ek ward mein rehta tha jiska darja Girjaghar mein uncha tha—sabhaaon mein lagbhag sabhi log aate the, gharelu shikshan ke pratishat zyaada the, Praathmik ke bachche hamesha achche kaede ke rehte the, ward mein bhojan ke samay badhiya bhojan aata tha jo ki sabhaghar ke farsh par bahut kam girta tha, aur mujhe lagta hai kabhi Girjaghar ke naachon mein kabhi ladaai nahin hoti thi.
Mera dost aur unki patni ko baad mein mission par jaana pada. Jab woh teen saal baad laute, yeh dampati achambhe mein the ki jab woh baahar sewa pradaan kar rahe the, us ward mein 11 dampatiyon ka talaakh ho chuka tha.
Bhale hi ward ke paas har baahari ishaara tha vishwaas aur shakti ka, unke dilon aur sadasyon ke jiwanon mein kuch ashubh ho raha tha. Aur takleef ki baat yeh hai ki yeh stithi naya nahin hai. Ayse bure aur aksar bekaar ke cheez hote hai jab Girjaghar ke sadasye susamachaar ke siddhaanton se dur ho jaate hai. Baahar se woh Ishu Maseeh ke chelein lagenge, magar unke dilon ke andar unhonne Uddhaarkarta aur Unke shikshan ko alag kar diya hai. Woh dhire dhire dhaarmik cheezon se dur ho gaye hai aur duniya ke cheezon ke kareeb ho gaye hai.
Jo purohiti rakhnewaale kabhi-yogye the khud ko batlaane lagte hai ki Girjaghar achcha hai mahilaaon aur bachchon ke liye magar unke liye nahin. Ya kuch log santusht hai ki unke paas samay nahin ya alag paristhitiyaan unhein daenik shradha aur sewa se mukt karti hai jisse woh Aatma ke kareeb rahenge. Is yug mein jahan log apne aap ko sahi saabit karte hai aur khud se bahut zyaada prem karte hai, aasaan ho jaata hai bahane banana ki kyun Parmeshwar se prarthna nahin karein, dharamshaastra adhyan baad mein kyun karein, Girjaghar sabhaaon aur gharelu shaam sabhaaon se dur rahe, ya imaandaari se daswa hissa aur bhenton ko na bhare.
Mere pyaare bhaaiyon, kya tum apne dilon mein jhaankoge aur saral sawaal puchoge: “Prabhu, kya woh mai hoon?”
Kya tum—thoda bhi—bhatak gaye ho “ashish bhare Parmeshwar ke susamachaar…se, jo [tumhare] bharose mein saopa gaya tha”?6 Kya tumne “is sansaar ke parmeshwar” ko mauka diya ki tumhare budhi ko andhi kar dein taaki “Maseeh ke vishaal susamachaar ka prakaash” tum par na chamke”?7
Mere priye doston, mere priye bhaaiyon, khud se pucho, “Mera dhan kaha hai?”
Kya tumhara hriday is sansaar ke suvidha waale cheezon mein tika hai, ya woh parishrami Ishu Maseeh ke shikshan par kendrit hai? “Kyunki jahan tumhara dhan hoga, wahan tumhara dil bhi hoga.”8
Kya Parmeshwar ki Aatma ka gehra prabhaao tum par hota hai? Kya tum Parmeshwar aur tumhare bhaai bandhuwon ke prem mein “jad pakde hue aur neev daale hue” ho. Kya tum paryaapt samay aur rachne ka gun lagate ho apne vivaahit jiwan aur parivaar mein? Kya tum apna sab kuch Ishu Maseeh ke punahsthaapit susamahcaar ke lakshye ko paane aur jeene ki “aasaar, aur lambaai, aur unchaai, aur gehraai”9 mein dete ho?
Bhaaiyon, agar yeh tumhari ichcha hai (ki apneaap mein) Maseeh jaise gunon ko laao jaise ki “vishwaas, sadgun, gyaan, santulan, shaanti, bhaai se dayaluta, ishwartav, dayaluta, vinamrata, [aur sewa],” 10 Swarg ke Pita tumhe Apne haathon ke aozaar banaenge kayi logon ko uddhaar dilaane ke liye.11
Woh Nirikshit Jiwan
Bhaaiyon, hum mein se koi nahin batlaana chahata ki hum sachche raah se bhatak rahe hai. Aksar hum apne andar nahin dekhna chahate aur apne kamzoriyon, paabandhiyaan, aur dar ka saamna nahin karna chahate. Isi kaaran, jab bhi hum apne jiwanon ka nirikshan karte hai, hum aysa ek filtar ke madad se karte hai jahan tarafdaari, bahano, aur kahaniyon se hum khud ko batlaate hai ki hamare soch aur karam ayogye nahin the.
Magar apne aap ko saaf rup se dekhna hamare dhaarmik badhanti aur tandurusti ke liye zaroori hai. Agar hamare kamzoriyaan aur trutiyaan parchaaiyon mein reh jaaye, tab Uddhaarkarta ka mukti dene waalu shakti unhein change nahin karegi aur mazboot nahin banaegi.12 Pratikul tarike se, hamara andhera hamare maanav kamzoriyon ke prati bhi hamein divye saobhaagye ke prati hamein andha karta hai jo ki hamare Pita chahate ki hamare andar rahe.
Tab hum kaise Parmeshwar ke shudh raushni ke sachchaai ko apne hridayon par chamkaaenge aur khud ko dekhenge jaise Woh hamein dekhta hai?
Mai sujhaao deta hoon ki pavitra dharamshaastra aur bhaashanein jo maha sammelan mein diye gaye the ab ek upyogi seesha hai jo hum dekh sakte hai khud-nirikshan karne ke liye.
Jab tum pracheen aur abhi ke bhavishyevaktaaon ke shabdon ko sunte ya padhte ho, yeh mat soche ki kaise yeh shabd kisi aur par laagu hote hai par yeh saral sawaal puchiye: “Prabhu, kya woh mai hoon?”
Hamein apne Anant Pita se tute hriday aur shiksha paane waale mann se aaye. Hamare andar seekhne aur badlaao laane ki ichcha rehni chahiye. Aur, haan, hum kitna kuch paate hai hamare Swarg ke Pita ke jaisa jiwan jeene ka nirnay karne se.
Woh jo seekhna aur badalna nahin chahate nahin seekhenge aur badlenge aur ho sakta hai oh sochne lagenge ki Girjaghar unhein kya deta hai.
Par jo log badal kar aur pragati karna chahate hai, jo Uddhaarkarta se seekhna aur Unke jaisa banna chahate hai, jo khud ko chote bachche ki tarah vinamra kar lete hai aur hamare Swarg ke Pita se apne soch aur karmon ko milaana chahate hai—woh Uddhaarkarta ke Praeshchit ke chamatkaar ko anubhav karenge. Woh zaroor Parmeshwar ke badhiya Aatma ko mehsoos karenge. Unhe ek vineet aur ahankaar rahit hriday ka parinaam anubhav hoga. Unhe Ishu Maseeh ke sachche chelein banne ki ichcha aur kaeda se ashish milega.
Achchaai ki Shakti
Mere jiwan mein, mujhe mauka mila hai is duniya ke kuch sabse mehnati aur budhimaan purush aur mahilaaon ko jaanne ka. Jab mai chota tha, mujhe prasannta milti thi unhein dekh jo padhe likhe, sampan, safal, aur jinhe duniya dwara prashansa milta tha. Magar in varshon mein, mainne yeh jaana hai ki mujhe zyaada khushi milti hai ashcharyejanak aur ashishbhare logon ko dekh jo sach mein achche aur bina chal ke hote hai.
Kya susamachaar achchaai ke baare mein nahin, aur kya yahi susamachaar hamein deta hai? Yaho to achchi khabar hai, aur yeh hamein madad karta hai achcha banne mein.
Devdut James ke bol aaj hum par laagu hota hai:
“Parmeshwar abhimaaniyon ka virodh karta hai, par deeno par anugrah karta hai. …
“Prabhu ke saamne deen bano, aur woh tumhe unchaai tak pahunchaaega.”13
Bhaaiyon, hamein apne ghamand ko bagal karna hai, apne dikhaawe ko nazarandaaz kar dena hai, aur vinamrata se puchna hai, “Prabhu, kya woh mai hoon?”
Aur agarPrabhu ka jawaab hoga “Haan, mere putra, kuch cheezon mein sudhaar laani hai, woh cheezein jismein Mai tumhare madad kar sakta hoon,” mai prarthna karta hoon ki hum is jawaab, vinamrata purwak apne paapon aur khaamiyon ko swikaar karenge, aur phir apne rawaiya ko badlenge achche patiyon, achche pitaoun,achche putron ki tarah ban kar. Hum is samay se aage puri koshish karein Uddhaarkarta ke ashish bhare raaste par sthirta se chalne ke liye—kyunki khud ko spashtta se dekhna gyaan ka shuruaat hai.
Jab hum aysa karenge, hamara uddaartapurwak Parmeshwar hamare haath pakde hamein le jaaega; Prabhu hamein “balwaan banaega, aur Parmeshwar dwara hamein ashirvaad milega.”14
Mere priye doston, ek pehla kadam is vishaal aur sampurn chelapan ke maarg par chalne ka shuruaat hota hai woh saral sawaal puchne se:
“Prabhu, kya woh mai hoon?”
Iski mai gawahi deta hoon aur apna ashirvaad chodta hoon Ishu Maseeh ke naam se, amen.