Khushi se Susamachaar ko Jiyo
Pradhaan Dieter F. Uchtdorf dwara
Pratham Adhyakshta ke Dusre Salaahkaar
Ishu Maseeh ke bachchaane waale shakti par bharosa karo; Unke kaanoon aur aagyaaon ka paalan karo. Anye shabdon mein—khushi se susamachaar ko jiyo.
Mere priye bahanon, mere priye doston aur Ishu Maseeh ke ashish se bhare chelon, mujhe garv hai aapke saath ek aur Ishu Maseeh ka Girjaghar Antim-dinon ke Santon ka maha sammelan ka shuruaat karne ki saobhaagye ke liye. Aane waale saptaah mein Pratham Adhyakshta aur Barah Devdut sabhi Maha Adhikaariyon aur maha parishad netaaon se milenge, aur hamare vishwabhar ke maha sammelan ke baaki sabhaaen anewaali Shaniwaar aur Raviwaar ko hongi. Mai abhaari hoon hamare, Pradhaan Thomas S. Monson, humare dinon ke Parmeshwar ka bhavishyevakta ke liye, ki unhonne mujhe Pratham Adhyakshta se chuna Girjaghar ke bahanon se baatein karne ke liye.
Jab mai soch raha tha ki kya kahun, mujhe yaad aaye woh mahilaaen jinhonne mere jiwan par prabhaao daala hai aur mujhe maransheelta ke chunaotiyon mein madad kiya hai. Mai abhaari hoon apne aaji ke liye jinhonne saalon pehle apne pariwaar ko Mormon prabhubhoj sabha mein le jaane ka nirnay kiya tha. Mai abhaari hoon Bahan Ewig ke liye, jo ek akeli German mahila thi, jiske naam ka Angrezi anuwaad hai “Bahan Anant.” Usi ne yeh saahasi aur behtarin nimantran diya tha mere aaji ko. Mai apne maa ke liye abhaari hoon, jisne chaar bachchon ko Vishwa Yudh II ke musibaton mein sambhaala tha. Mai apne beti, naatinyon, potiyon, aur bhavishye ke peedhi ke vishwaasi mahilaaon ko bhi yaad karta hoon jo ismein shaamil honge.
Aur, haan, mai anantta tak abhaari rahunga apni patni, Harriet, ke liye jo mujhe yuva umra mein bhaa gayi thi, jisne ek maata hone ke kayi bojh uthaaye, jo aaj meri patni hai, aur mere bachchon, nati-poton, aur par nati-poton se prem aur dulaar karti hai. Woh hamare ghar ki taaqat rahi hai achche aur bure samay mein. Woh un sabhi ke jiwan mein khushi laati jo use jaante hai.
Ant mein, mai aap sab ke liye abhaari hoon, woh kayi milyan vishwabhar ki anek umar waali vishwaasi bahanein hain jo Parmeshwar ke raajye ko banane mein sahiyog deti hai. Mai abhaari hoon aapke liye ki aapne kayi tarikon se apne aas paas ke logon ko prerit, poshan, aur ashirvaad dene ke liye.
Parmeshwar ki Putriyaan
Mai abhaari hoon Parmeshwar ke itne saare putriyon ke saath hone ke liye. Jab hum woh “I Am a Child of God” geet gaate hai, uske shabd mere hriday ko chuh leti hai. Is sachchaai ke baare mein sochne se—ki hum swarg ke maata-pita1 ke bachchein hai1—hamein batlaata hai ki hamara wajood, vartamaan, aur bhavishye hai.
Hamesha yaad rakhna ki tum Parmeshwar ek bachche hoi achchi baat hai. Yeh gyaan tumhe apne jiwan ke sabse kathin samay se nikaalega aur tumhe achche kaam karne ke prerna dega. Haalaanki, yeh bhi yaad rakhna zaroori hai ki anant maata-pita ki putri hona ek unchaai ki baat nahin jo tumne kamaya hai ya tum kho doge. Tum sadeo aur hamesha Parmeshwar ki ek putri rahoge. Tumhare Swarg ke Pita ke unche armaan hai tumse, magar tumhara divye wajood akelehi tumhare divye viraasat ko nahin tay karta. Parmeshwar ne tumhe yahan ek badhiya bhavishye ki tayyaari karne ke liye bheja hai jinki tum kalpana bhi nahin kar sakti.
Vishwaasiyon ke liye Parmeshwar ke vaada kiye ashirvaadein shaandaar aur prerna bhare hai. Unmein hai “raajgaddhiyaan, raajyon, riyasaton, aur shaktiyon, chetron, sabhi unchaaiyaan aur gehraaiyaan.”2 Aur iske liye aatmik janampatri ya “Parmeshwar ka Putra Sadasye Kaad” nahin chahiye in anumaan se baahar ke ashirvaadon ko paane ke liye.
Magar hum kaise in ashirvaadon ko paa sakte hai?
Uddhaarkarta ne is sawaal ka jawaab hamare samay mein diya hai:
“Usne kaha jab tak hum Unke kanoon ko na maanenge hamein yeh mahima nahin milegi.
“Kyunki saket hai woh faatak, aur kathin hai woh maarg jo jeevan ko pahunchaata hai. …
“… Isliye, tu mera kaanoon swikaar kar.”3
Is kaaran se, hum chelapan ke maarg par chalne ki baat karte hai.
Hum Parmeshwar ke aagyaaon ka paalan karne ke baare mein kehte hai.
Hum susamachaar ko khushi se, apne pure hriday, shakti, mann, aur aatma se jeene ki kehte hai.
Parmeshwar Aysa Kuch Jaanta hai Jo Hum Nahin Jaante
Aur phir bhi hum mein se kuch logon ke liye, Parmeshwar ki aagyaaon ke prati aagyaakaari hona hamesha khushi nahin laata. Aao hum yeh maan lein: shaayad kuch aagya kathin ya utne mazadaar nahin lagte hai—ayse aagyaa jo hum us bachche ki josh ki tarah lete hai jab ki woh swasth sabziyaan ke thaali ke saamne hota hai. Hum daat peeste hai aur baat maanne ki koshish karte hai taaki hum jaldi se dusra cheez karne lage.
Shaayad ayse samay par, hum apne aap ko yeh puchte paaenge, “Kya hamein sach mein Parmeshwar ke sareaagyaaon ko paalan karna hai?”
Is sawaal par mera jawaab saral hai:
Mujhe lagta hai Parmeshwar kuch jaante hai jo hamein nahin jaante jo cheez hamare samajh ke baahar hai! Hamare Swarg ke Pita ke anant jeev hai jiska anubhav, buddhi, aur samajh humse bahut zyaada bada hai.4 Sirf yeh nahin, magar Woh anant rup se premi, dayalu, aur ek hi lakshye par nirbhar hai: hamara amranshilta aur anant jiwan dilaane ki.5
Anye shabdon mein, Woh na sirf jaanta hai ki tumhare liye kya behtar hai; Woh yeh chahata hai ki tum wahi chuno jo tumhare liye behtar hai.
Agar tum apne dil mein yeh vishwaas rakhte ho—agar tum Swarg ke Pita ke mahaan lakshye Unke bachchon ko anant jiwan dena aur ki Wohi jaanta hai ki aysa kaise ho—kya yeh theek nahin ki Unke aagyaaon ko apnaaya jaaye aur kiya jaaye, mein vishwaas karte ho, woh sab bhi jo kathin dikhte hai? Kya hamein maargdarshaane waale khambo se prem nahin karna chahiye jo Usne hamein andheri aur musibat se bhari maarg se nikalne ke liye diya hai? Woh swarg ke ghar tak ka raasta batlaati hai! Swarg ke Pita ka maarg chunne se, tum ek divye buniyaad banate ho apne niji pragati ke liye Parmeshwar ki ek putri hokar jisse tumhare jiwan mein ashish aaye.
Mujhe lagta hai, hamara ek chunaoti yeh hai, ki hum sochte rehte hai ki Parmeshwar ne Apne sabhi ashirvaadon ko swarg mein ek bade baadal mein band kar rakha hai, kisi ko dena nahin chahata jabtak Unke shart nahin maan liya jaaye. Parantu agyaaen ayse nahin hote hai. Vaastav mein, Swarg ke Pita har waqt hum par ashirvaadon ki varsha karta rehta hai. Yah hamara dar, sandeh, aur paap hai, jo ki, ek chaata ki tarah, in ashirvaadon ko hum tak nahin pahunchne deta hai.
Unke aagya prem bhar salaah aur divye madad hai is chaate ko band karne ke liye, taaki hum swarg ke ashirvaadon ki varsha ko lagataar paa sakein.
Hume zaroori hai ki hum Parmeshwar ki aagyaaen sirf achche sujhaao ki lambi parchi ki tarah nahin swikaar karein. Woh Internet mein se nikaale gaye alag badhiya tarike ya Pinterest board ke prernadaayak dohrana nahin. Woh divye salaah hai, anant sachchaaiyon par aadhaarit hai, “is duniya mein shaanti, aur aane waale duniya mein anant jiwan laane ke liye diya gaya hai.”6
Hum chunaao kar sakte hai. Ek taraf, duniya ka nazariya hai jahan sab kuch badalta rehta hai aur har mod par sawaal milte hai. Dusri taraf, wahan Parmeshwar ke shabd hai Unke bachchon ke liye—Unka anant gyaan, Unke kuch vaadein, aur Unke prem bhare aadesh taaki hum Unke upasthiti mein jaa sake mahima, prem, aur gaorav ke saath.
Chunaao aapka hai!
Samundron, baaluwon, aur saekdo sitaaro ka Rachnewaala aaj bhi tumhe pukaar raha hai! Woh khushi, shaanti, aur anant jiwan ka badhiya tarika batla raha hai!
In badhiya ashirvaadon ke kaabil hone ke liye, tumhe vinamra hona hai, vishwaas karna hai, Maseeh ka naam apne upar lena hai, Unhe shabd aur karm mein dhoondhna hai, aur nirnay kar lena hai ki tum “Parmeshwar ke gawaah ke rup mein khade hoge sabhi samay aur sabhi cheezon mein, aur sabhi jagahon par.”7
Aagyakaari Kyun Hona Chahiye
Ek baar tum Parmeshwar ke sachche prakriti aur Unke aagyaaon ko samajh loge, tab tum behtar dhang se khud ko samajh paaoge aur apne jeene ke divye lakshye ko bhi. Isi ke saath, tumhare aagyaaon ka paalan karne ka josh badal sakta hai, aur tab tumhare hriday ki ikcha ho jaata hai susamachaar ko khushaali se jeena ka.
Uddharan ke taur par, woh jo Girjaghar sabhaaon ki upasthiti se Parmeshwar ke prati apne khud ke prem ko badhte dekhna chahate hai, shaanti paana chahate, dusron ki sahayta, Aatma ko paana, aur Ishu Maseeh ka chela banna chahate hai unhein yeh anubhav bahut laabhdaayak lagega un anye logon ke milaan mein jo sirf baethne jaate hai. Bahanon, yeh bahut zaroori hai ki hum apne Raviwaar sabhaaon mein jaaye, par mujhe yakeen hai ki hamare Swarg ke Pita ke liye vishwaas aur pashchataap bahut zyaada zaroori hai na ki hamari upasthiti ki sankhya.
Yeh ek aur uddhaaran hai:
Do bachcho ki ek akeli maa ko maata(chicken pox) ho gaya tha. Aysa hua, ki uske bachche bhi beemaar ho gaye. Apne aur apne bachchon ka akele khyaal karna bahut zyaada pad gaya tha uske liye. Aur, is kaaran, pehle ka saaf sutra ghar ab jhamela ban gaya tha. Maele bartan ganj gaye the, aur kapde bhi jama ho chuke the.
Jab woh rote bachchon ko chup kar rahi thi—aur khud rone waali thi—darwaaze par ek khatkhataahat aayi. Woh the uske bhent karne waale shikshak. Woh is jawaan maa ki mushkil ko dekh rahi thi. Uska ghar, rasoi sab dikh raha tha. Unhein bachchon ki rulaai bhi sunai de rahi thi.
Ab, agar yeh bahanein sirf apne saope gaye mahine ke bhent karna chahati thi, to woh maa ko ek plet kookies detein, kehte ki unhonne use Sahayak Sanstha mein nahin dekha tha, aur aysa kehte, “Hamein batlana agar hamari zaroorat pade!” Phir woh chale gaye hote, yeh sochke ki unhka bhent 100 pratishat ka hua is mahine.
Saobhaagye se, yeh bahanein Maseeh ke sachche chelein the. Unhonne apni bahan ki zarooraton ko dekha aur apne gunon aur anubhavon se kaam karne lagi. Unhonne sab kuch saaf kiya, ghar mein raushni aur shaanti laaya, aur ek dost se kaha ki kuch bhojan ke saamaan le aaye. Jab weh kaam karke jaa rahe the, woh jawaan maa rone lagi—kritigyata aur prem ke aansoo.
Us chan se, us jawaan maa ke bhent shikshan ki raae badal gayi. Usne kaha, “mai jaanti hoon ki log mujhe isiliye nahin bhent karne aate hai kyunki unhein batlaya gaya hai.”
Haan, bhent shikshakon ko lagataar apne har mahine ke bhent karni chahiye, bagaer is aagya ke piche ke sabse zaroori kyun ko jaane—: ki Parmeshwar aur sabhi logon se prem karein.
Jab hum Parmeshwar ki aagyaaon ko aur Unke raajye ko badhaane ko ek zimmedaari ko karne ki suchi ki tarah hi samajhte hai, hum chelapan ko achchi tarah nahin samajh paate. Hum us badhanti se nahin guzarte jo Swarg ke Pita ke aagyaaon ko khushiyaali se jeene se milta hai.
Chelapan ke maarg par chalna hamein bura nahin lagna chahiye. Yeh “sabhi meethi vastuwon se adhik meethi hai.”8 Yeh koi bojh nahin jo hamare liye bhaari pade. Chelapan hamare aatmaaon ko ujwal karta aur hamare hriday ko halka karta hai. Woh hamein vishwaas, aasha, aur dayaluta se prerit karta hai. Woh hamare aatmaaon ko andhere ke samay raushni, aur shaanti se bharta hai.
Woh hamein divye shakti aur anant khushi deta hai.
Khushi se Susamachaar ko Jiyo
Susamachaar ki meri priye bahanon, chaahe tum 8 ki ho ya 108 ki, ek baat hai jo mai aasha karta hoon tum sach mein samjhoge aur jaanoge:
Tumhe prem milta hai.
Tum apne swarg ke maata-pita ke liye priye ho.
Raushni aur jeevan ka aparimit aur anant Rachnewaala tumhe jaanta hai! Woh tumhara khyaal rakhta hai.
Haan, Parmeshwar tumse aaj bhi prem karta hai aur humesha karta rahega.
Woh yeh nahin intazaar karta ki jab tum kamzor nahin hoge aur bure aadaton ko chod doge tab tumse prem karega. Woh tumse aaj prem karta hai tumhare saare sangharshon ko jaanta hai. Woh jaanta hai ki tum Unse dil se aur aasha se prarthna karte ho. Woh jaanta hai us samay ke baare mein jab tumne halki si raushni ka sahara liye vishwaas kiya—bhale hi andhera badhta raha. Woh tumhare takleefon ko jaanta hai. Woh jaanta hai tumhare dukh ko jab tumse galti hui ya tum haar chuke the. Aur Woh ab bhi tumse prem karta hai.
Parmeshwar tumhare safaltaaon ko jaanta hai; bhale hi woh tumhare liye chote hai, Woh har ek ko pasand karta aur sawaarta hai. Woh tumhein tumhare sewa ke liye prem karta hai. Woh tumse prem karta hai dusro ki madad karne ke liye—bhale hi tum apne bojh se dabe hote ho.
Woh tumhare baare mein sab kuch jaanta hai. Woh tumhe saaf rup se dekh sakta hai—jis tarah se tum vaastav mein ho. Aur Woh tumse prem karta hai—aaj aur hamesha ke liye!
Kya tum sochte ho ki Swarg ke Pita parwaah karte hai tumhare sajawat, kapde, baal, aur naakhunon ke baare mein? Kya tum sochte ho Instagram or Pinterest par tumhare kitne followers hai se Unke nazar mein tumhara darja uncha ho jaata hai? Kya tum sochte ho Woh chahega ki tum chinta karo ya dukhit ho jaao agar koi tumhe ‘un-friend’ ya ‘un-follow’ karein Facebook ya Twitter par? Kya tum sochte ho ki tumhara upari dikhawa, tumhare kapdon ki naap, ya logpriyeta se Unhe jisne shristhi banai ko tumhare yogyata mein antar dikhta hai?
Unka prem sirf aaj tum kaun ho se nahin juda hai magar us insaan ke prati jo tumhare andar hai jo kuch ban sakta hai aage chal kar se juda hai.
Jiski tum kalpana nahin kar sakte, Woh chahata hai ki tum apne lakshye tak pahuncho—ki tum swarg ke ghar ko aadar sammaan se pahuncho.
Mai gawahi deta hoon ki aysa karne ke liye swaarthipan aur ayogye lakshyon ko balidaan aur sewa ke vedi par rakho. Bahanon, Ishu Maseeh ke bachchaane waale shakti par bharosa karo; Unke kaanoon aur aagyaaon ka paalan karo. Anye shabdon mein—khushi se susamachaar ko jiyo.
Yeh meri prarthna hai ki tum apne jiwan mein Parmeshwar ke sundar prem ke badhanti aur upasthiti ko anubhav karo; ki tumhe Parmeshwar ke aagyaaon ko seekhne mein vishwaas, pakka iraada, lagaao, aur susamachaar mein khushi mile.
Mai vaada karta hoon ki agar tum aysa karoge, tum apne behtar aap—sahi astitva ko dekhoge. Tum jaanoge ki anant Parmeshwar, sabhi sachchaai ka Prabhu ki putri hone ka kya matlab hai. Iski mai gawahi deta hoon aur Prabhu ka Devdut hone ka apna ashirvaad chodta hoon, Ishu Maseeh ke naam se, amen.