Unki Prashansa Mein Jo Bachate Hain
Jab tum Uddhaarkarta ke prem ki barabari karte ho, Woh tumhein vivaahon ko bachane aur parivaaron ko mazboot karne mein zaroor ashirvaad aur safalta dega.
Kayi saal pehle, mai Frankfurt Germany Mandir par tha jab maine ek buzurg dampati ko haath pakde dekha. Jis komalta aur dulaar se woh ek dusre se pesh aa rahe the usse mai prabhaawit hua.
Mujhe nahin pata kyun iska asar itna gehra tha mujhpar. Shaayad woh inke beech ke prem ki madhurta thi ek dusre ke liye—atalta aur vachanbadhta ka ek lajawaab chinh. Yeh spasht tha ki yeh dampati kaafi lambe samay se saath the aur unka aapas ka prem ek dusre ke liye ab bhi barkaraar aur mazboot tha.
Upyog Karke Fekne Laayak Cheezon ka Samaaj
Mai sochta hoon yeh komal drishye mere saath itne dino tak yaad raha hai kyunki aaj ke kaedo se alag hai. Duniya bhar ke kayi samaajo mein, sab cheez upyog karke fekne laayak lagta hai. Jaise hi kuch tutne lage ya puraana ho jaaye—ya jab hamara mann usse bhar jaaye—hum use baahar fek dete aur dusra naye tarike ka laa dete hai— kuch naya ya chamkila.
Hum aysa cell phones, kapdo, gaadiyon, naukriyon—aur, dukhad rup se, rishto ke saath bhi karte hai.
Jabki hamein apne jiwanon se un vastuwon ko nikaalne mein mulye dikhta hai jo hamari zaroorat ke nahin rahe, jab anant mahatva ki cheezon ki baat hoti hai—hamara vivaah, hamara parivaar, aur hamare maanyetaao ki—ek khyaal ki pehle ko naween ki jagah par laaye bahut afsos ki baat hai.
Mai abhaari hoon ki mai ek aise girjaghar ka sadasye hoon jo vivaah aur parivaar ko mulye deta hai. Ishu Maseeh ka Girjaghar Antim-Dino ke Santon ke sadasye duniya bhar mein jaane jaate hai achche vivaah aur parivaaron se. Mujhe aysa lagta hai, kuch had tak, yeh hai kyunki Joseph Smith ne anmol sachchaai ko punahsthaapit kiya vivaah aur parivaaron ko anant rehne ke liye. Parivaarein sirf yahan dharti par kaam aasaan karne ke liye nahin aur jab swarg pahunche tab tyaage jaae. Balki, yeh swarg ka kaanoon hai. Yeh ek celestial rahan sahan aur Parmeshwar ke anant parivaar ka nakal hai.
Parantu mazboot vivaah aur paarivaarik rishte nahin ban jaate kyunki hum Girjaghar ke sadasye hai. Iske liye nirantar, iraada kiya hua kaarye chahiye. Anant parivaaron ka siddhaant hamein prerit karega ki hum apne behtar koshishon se apne vivaah aur parivaaron ko bachaae aur shikshit karein. Mai unki saraahna aur prashansa karta hoon jinhonne in naazuk, anant rishto ko bachaya aur poshan kiya hai.
Aaj, mai unki prashansa mein bolna chahata hoon jo bachaate hai.
Hamare Vivaah ko Bachaana
Saalon se, maine kayi aashavaadi aur premi dampatiyon ke liye sealing ki dharamvidhi ko karwaya hai. Ab tak maine kisi ko nahin dekha, ki jab woh altar ke us paar ek dusre ko dekhte hai, ne socha tha unka talaakh hoga aur dil tootega.
Durbhaagye se, kuch aysa ho jaata hai.
Kisi tarah, jaise din dugne hote aur romanchak prem ka rang utarta hai, kuch log ahista se ek dusre ke khushiyaali ke baare mein sochna band kar dete hai aur chote galtiyon par dhyaan dene lagte hai. Ayse maahol mein, kuch log yeh sochne lagte hai ki unke jiwansaathi utne chaalaak, mazedaar, ya jawaan nahin hai. Aur kisi tarah unhe sujhta hai chalo kahi aur dhoondhe.
Bhaaiyo, agar isse tumhara thoda bhi pehchaan hota hai, mai tumhe chetaoni deta hoon ki tum tute vivaah, tute gharon, aur tute dilon ke raaste par nikal pade ho. Mai niwedan karta hoon ki ruk jaao, mudo, aur waapas aao shudhta aur imaandaari se vachanon ke surakshit maarg mein. Aur, haan, yahi sidhaant hamare priye bahano par bhi laagu hai
Ab, sirf ek shabd hamare avivaahit bhaaiyo ke liye jo is jhut par soch rahe hai ki unhe pehle “sampurn mahila” mil jaaye tab woh jaan pehchaan badha sake ya vivaah karenge.
Mere priye bhaaiyo, mai tumhe yaad dilaa doon, agar koi sampurn mahila hoti, kya tum sach mein sochte ki woh tum mein dilchaspi rakhti?
Parmeshwar ke khushiyaali ki yojna mein, hum utna koi sampurn ko nahin dhoondhte par ek ayse vyakti ko jiske saath, hum jiwanbhar, saath milkar koshish kar sakein ek prem bhara, lambe samay ka, aur zyaada sampurn rishta bana sake. Yahi hai lakshye.
Bhaaiyo, jo log apne vivaah ko sambhaalte hai samajhte hai ki iske liye samay, dheeraj, aur sabse badh kar, Ishu Maseeh ke Praeshchit ke ashirvaadon ka kaam hai. Woh chahata hai ki tum kripa karo, chaah nahin rakho, apni badaai na karo, gussa nahi ho, bura mat socho, aur satya mein anandit ho. Anye shabdon mein, iske liye dayaluta chahiye, Maseeh ka shudh prem. 1
Yeh sab ek hi pal mein nahin hoga. Mahaan vivaahein ek ek pathar se, din ba din, jiwanbhar lagta hai banane ko.
Aur yeh hai sachcha samachaar.
Kyunki chaahe kitna bhi aromaanchak tumhara rishta abhi ho, agar tum kripa, daya, sunne, balidaan, samajh, aur niswaarth raho, zaroor se ek mazboot pyramid(achche buniyaad ka rishta) badhna shuru hoga.
Agar iske liye bahut lamba samay lage, yaad rakho: khushaal vivaah ko lamne samay tak barkaraar rakhna hai! Isliye “achchaai karne se thakna nahin chahiye, kyunki hum ek mahaan vivaah ka buniyaad shuru kar rahe hai. Aur chote cheezon se mahaan cheezein paeda hoti hai.” 2
Shaayad yeh kaarye dhire se aage badhe, par iske daoraan udaas nahin rehna hai. Balki, sachchaai kehne ke khatre se, talaakh bahut kam hota hai jab pati aur patni khush hote hai?
To khush raho!
Aur bhaaiyo, apni patni ko chaokaao aysi cheeze karke jisse woh khush hoti ho.
Jo log apne vivaah ko sambhaal lete hai khushiyaali chunte hai. Jabki yeh sach hai ki kuch tarah ke sthaai udaasi ke liye vishesh ilaaj chahiye, mai Abraham Lincoln ke is chote se gyaan ko pasand karta hoon: “Kayi log utni hi khush rehte hai jitna unka mann khush reh sakta hai.” Yeh iske dharamshaastra ke saathi se sambandhit hai: “Dhoondho, to tum paaoge.” 3
Agar hum apne pati/patni mein khaamiyaan dhoondenge ya chidchidaahat apne vivaah mein, hum unhe nishchint paaenge, kyunki sab mein woh hai. Dusri or, agar hum achchaai dhoondenge, hum zaroor use paaenge, kyunki sab ke paas kayi achche gun hote hai.
Jo log vivaahon ko sambhaalte hai woh ghaas fus ko nikaalte aur phoolon ko paani dete hai. Woh dayaluta ke komal ehsaas utpann karne waale anugrah ke chote kaarye se khush hote hai. Jo log vivaah ko sambhaalte hai woh bhavishye ke peedhiyon ko sambhaalte hai.
Bhaaiyo, yaad karo tum kyun prem me pade the.
Har din koshish karo apne vivaah ko mazboot aur khushaal banane ke liye.
Mere priye doston, aao hum woh sab kare jisse hum bhi un mahaan aur khushaal logo ke saath gine jaaye jo apne vivaah ko sambhaalte hai.
Hamare Parivaaron ko Sambhaalna
Aaj mai un logon ki prashansa karna chahata hoon jo apne parivaaron ko sambhaalte hai. Har parivaar ko sambhalne ki zaroorat hai.
Itna niraala hai ki is Girjaghar ko uske mazboot parivaaron ke liye jaana jaata hai, hum shaayad aksar mehsoos karenge ki woh kisi aur Antim-din Sant parivaar ke liye hai na ki hamare. Magar asliyat hai ki koi bhi ek dam achcha parivaar nahi hai.
Har ek parivaar ke ajeeb pal hote hai.
Jaise jab tumhare maata-pita tumhe unki “Selfie” lene ko kahe, ya jab tumhari par-mausi zidh kare ki tum ab bhi avivaahit ho kyunki tum sirf swaarthi ho, ya jab tumhara apne raae waala jija sochta hai uska raajnitik vichaar ek dhaarmik vichaar hai, ya jab tumhara pita ek parivaar chitra khichwaata hai jismein sabhi unke mann-pasand movie ke chitrakaaron ke bhes mein hai.
Aur tumhara charitra par nakaab aa jaata hai.
Parivaarein isi tarah ke hote hai.
Hamare genes ek hi tarah ke honge, magar hum ek jaise nahin hain. Hamari aatma anokhi hai. Hum apne anubhav se dusri tarah se prakashith hote hain. Aur is parinaam se har ek alag hota hai.
Hamein auron ko hamare tarike se jiwan bitane ke liye jabardasti karwaane se achcha hai, hum is fark mein anandit ho jaaye aur unki taarif karein ki unhonne hamare jiwan ki shobha ko badhaya aur use ashcharye se bhara hai.
Par, kabhi kabhi, hamare parivaar ke sadasye ayse chunaao ya cheezon ko karte hai jo unsocha, peeda dene waala, ya charitraheen hai. Ayse maamlo mein hamein kya karna chahiye?
Koi ek sujhaao nahin hai jo har stithi par laagu ho sake. Jo log apne parivaaron ko sambhaalte hai safal rehte hai kyunki woh apne pati/patni aur parivaar se salaah karte, Prabhu ki ichcha dhoondhte hai, aur Pavitra Aatma ke protsaahan ko sunte hai. Woh jaante hai ki jo ek parivaar ke liye sahi tha dusre ke liye nahin hoga.
Haalaanki, ek baat hai jo sabhi maamlo ke liye sahi hai.
Mormon Dharamshaastra mein hum kuch logon ke baare mein seekhte hai jinhe khushiyaali ka raaz mil gaya tha. Kayi peedhiyon tak, “koi vivaad nahin hua. … Aur jitne log Parmeshwar ke haathon dwara rache gaye the, un saare logon mein nishchay hi in saare logon se adhik koi bhi ananadmay nahin tha.” Unhonne aysa kaise kiya? “Parmeshwar ke us prem ke kaaran jo ki logon ke hridayon mein basa tha.” 4
Chaahe jo bhi musibatein tumhare parivaar par aa padi hai, chaahe jis tarah bhi woh suljha sako, us sujhaao ka shuruaat aur ant dayaluta hai, Maseeh ka sampurn prem. Is prem ke siwa, sabse achche parivaar bhi musibat ka saamna karte hai. Is prem ke saath, mahaan chunaotiyon ka saamna karte parivaar bhi safal hote
“Dayaluta kabhi asafal nahi hota.” 5
Vivaah ko sambhaalne ke liye yeh sach hai! Parivaaron ko sambhaalne ke liye yeh sach hai!
Ghamand ko Hataao
Dayaluta ka sabse bada virodhi ghamand hai. Ghamand ke kaaran vivaah aur parivaarein sankat jhelte hai. Ghamand gussela, nirdayi, aur laalchi hota hai. Ghamand apni hi shakti mein badhta hai aur auron ke guno ko nazarandaaz karta hai. Ghamand matlabi aur aasani se naaraaz hota hai. Ghamand har jagah paap laana chahata hai aur apne hi kamzori ko jhut ke piche chupaata hai. Ghamand chidchida, niraashajanak, krodhi, aur bechaen rehta hai. Vaastav mein, agar dayaluta Maseeh ka sampurn prem hai, tab ghamand Shaetaan ke charitra ko batlata hai.
Ghamand shaayad manushye ke liye ek aam asafalta ho. Par yeh hamare dhaarmik viraasat ka bhaag nahin hai, aur yeh Parmeshwar ke purohiti rakhnewaalon mein bhi nahin hona chahiye.
Zindagi choti hai, bhaaiyo. Pachtawa lambe samay tak reh sakta hai—kuch ke parinaam anantta tak gunjte rehte hai.
Kis tarah se tum apne patni ya bachcho ya maata/pita ya bhaai/bahan se pesh aate ho aane waale peedhi par prabhaao daal sakta hai. Apne vansh ke liye kya viraasat chodna chahate ho tum? Jahan badla, kathorta, gussa ya dar ho? Ya jahan prem, vinamrata, chama, sahanubhuti, aur aatmik badhanti ho?
Hum sab ko yaad rakhna hai, “Nyaye uske liye daya ke bina hai jisne koi daya nahin dikhlaai.” 6
Apne rishto ke khaatir, apne hriday ke khaatir, kripya dayawaan raho, kyunki “daya nyaye par vijayi hota hai.” 7
Apne ghamand ko hataao.
Apne bachchon, patni, parivaar, ya dosto se dil se maafi maangna kamzori nahin par taakat ka chinh hai. Kya sahi hona tumhare liye poshan, changaai, aur prem ke vaataavaran ko laane se zaroori hai?
Pullon ko banao; unhe todo mat.
Chaahe tumhari galti na ho—shaayad khaaskar jab tumhari galti nahin hai—prem ko ghamand par vijay paane do.
Agar tum aysa karoge, chaahe jo bhi mushkil ka saamna tum karoge woh tal jaaega, aur Parmeshwar ke prem ke kaaran jo tumhare hriday mein hai, jhagda gaayab ho jaaega. Parivaaron ko sambhaalne ke yeh siddhaant hum sab par laagu hai, chaahe hum vivaahit, avivaahit, vidhwa, ya akele ho. Hum sab mazboot parivaaron ke uddhaarak ho sakte hai.
Sabse Mahaan Prem
Bhaaiyo, aao hum Unke uddharan par chale jo hamein sambhaalta hai. Uddhaarkarta ne “hamare hriday ko prem se jeeta tha.”8 Ishu Maseeh hamare Swami hai. Unka kaarye hamara kaarye hai. Yeh ek sambhaalne ka kaarye hai, aur yeh hamare gharon se shuru hota hai.
Uddhaar ki yojna ka prem niswaarthi hota hai aur auron ki bhalaai sochta hai. Usi tarah ka prem Swarg ka Pita humse karta hai.
Jab hum Uddhaarkarta ke prem ki barabari karte hai, Woh hamein vivaahon ko bachane aur parivaaron ko mazboot karne mein zaroor ashirvaad aur safalta dega.
Prabhu aapko ashirvaad dein taaki tum bhi sambhaalne waale ban sako apne sachche koshishon se. Yeh hai mera prarthna Ishu Maseeh ke naam se, amen.