Jikin Jepļaaktok eo Ekwojarjar
Palmyra eaar ijo jikin Jepļaaktok eo, ijo ainikien Jemed eaar kōnono ie enan̄in ruo milliennia ko.
Juon eo m̧ōtta eo eaar juon membōr in Kabun̄ in eaar kajieon̄, elōn̄ iiō ko, n̄an katakin eō gospel eo an baam̧le indeeo. Eaar jab m̧ae iien koba ļo̧k ilo kōpeļļo̧k eo an São Paulo Temple ilo Oktoba 1978 im kar deļo̧n̄e juon ruum̧ in liāp bwe katak eo kōn baam̧le indeeo eaar itok n̄an būruwō, im bwe raan ko in aō jar n̄an jeļā eļan̄n̄e Kabun̄ in eaar m̧ool.
Iaar jab juon armej in jar bōtaab iaar rūtto ļo̧k jen jinō im jem̧a ro raar im kar lo ta eo em̧m̧an ilo kabun̄ ko jet. Ilo kōttōbar in mour ko aō, iaar ļōmņak bwe aolep kabun̄ ko rej an Anij.
Ālkin aō loļo̧k kōppeļo̧k eo an tampeļ eo, Iaar pukot juon uwaak ilo jar, bōk tōmak im juon leke epen bwe Anij enaaj uwaake eō, Kabun̄ rot eo An ioon laļin.
Ālkin juon idajon̄jon̄ in mour in jetōb eļap, Iaar bōk juon uwaak ealikkar. Iaar maron̄ in peptaij. Peptaij eo aō eaar kōm̧m̧an ilo Oktoba 31, 1978, bon̄ōn eo m̧okta jen aje eo an São Paulo Temple.
Iar kile bwe Irooj ejeļā im eaar lukkuun kea kōn eō n̄an uwaake jar ko aō.
Jibbon̄ōn eo juon kom̧ro kōrā eo ippa kar etal n̄an São Paulo im kobaļo̧k ilo aje eo an tampeļ eo.
Kōm̧ kar pād ijo, ak iaar jab lukkuun jeļā wāween kam̧m̧oolol in em̧m̧an. Raan eo juon kōm̧ ar pād ilo kweilo̧k eo an eria eo.
Kōm̧ ar jino mour ko am̧ āinwōt membōr ro an Kabun̄ in, im kōm̧ ar loe ro m̧ōttam̧ rem̧m̧an ro raar karuwaineneik kōm̧ ilo am̧ ukōt mour ko am̧.
Kūlaaj ko an ro rekāāl kōm̧ kar būki ilo kweilo̧k ko an Jabōt kajjojo wiik raar em̧m̧an. Raar kobrak am̧ kōn jeļāļo̧kjeņ im kōm̧m̧an bwe en m̧ōkajļo̧k raan bwe Jabōt en maron̄ naajdik mour in jetōb ko am.
Kom̧ro kōrā eo ippan kar lukkuun kijerjer im reim̧aan ļo̧k n̄an deļo̧n̄e tampel eo bwe baam̧le eo am̧ en liāp n̄aan indeeo. Eaar kōm̧m̧an juon iiō im jiljilimjuon raan ko ālkin peptaij eo aō, eo me eaar juon iien em̧m̧an. Iaar en̄jake āinwōt n̄e indeeo eo eaar koba ilo lokatok eo ikōtaam̧ m̧okta im ālkin am̧ liāp.
Jokwe ilo East Coast ilo United States ilo elōn̄ iiō ko, Iaar jeļā jikin ko, im raar kanooj iddik.
N̄e ij riit ak ron̄jake kōn ta ko raar waļo̧k ilo Visōn eo Kein Kajuon, armej ro rellōn̄ raar ba kake, im menin eaar jab bwe ippa.
Kajjitōk ko raar jino ejerwawa ilo kōļmenļo̧kjeņ eo aō. Etke Kabun̄ in eaar tin jepļaaktok ilo United States im jab ilo Brazil ak Italy, ak jikin eo an ro jibu im jim̧m̧aō?
Ia eo armej ro ba kake er, ro raar pād ilo jepļaaktok eo im lōkapokpok ko an kabun̄ ko─aolep men ko raar waļo̧k ilo juon jikin eo aenōm̧m̧an?
Iaar kajjitōkin eļōn̄ armej ro kake ak ejjeļo̧k uwaak. Iaar riiti elōn̄ men ko ilo kajin Portuguese innām ilo Kajin Pālle ak ejjeļo̧k men en iloe me eaar kaenōm̧m̧an būruwō. A iaar pukote wōt.
Ilo Oktoba 1984, Iaar pād ilo juon kweilo̧k eo eļap āinwōt juon rikakipilōklōk ilo stake būreejtōnji eo. Ālkin, iaar etal n̄an Palmyra, kijerjer in lo uwaak eo.
Tōpar ļo̧k ijo, Iaar kajieon̄ meļeļe: Etke Jepļaaktok eo eaar tin ijin, im etke ejetōbtōb? Ia eo aolep armej ro ilo bwebwenato eo an Josep rej itok jene? Etke ijin?
Ilo tōre eo, uwaak eo ewōr unin tok n̄an eo ej bwe kōnke Jemen eo an U.S. ej kalikar anemkwoj.
Jibbon̄ōn eo iaar loļo̧k Grandin Building, ijo Bok in Mormon eaar jinoin tata prin ie. Iaar etal n̄an Bukon Wōjke ko, ijo eaar ļap aō jar.
Eaar pen an jabdewōt armej ito-itak ilo pukot eo edik ilo Palmyra. Ia eo armej ro Josep eaar kōnnaan kake er?
Ālkin rālepen eo iaar lōmņak in etal n̄an jikin kallib eo an Piter Whitmer, im ke ij tōkeak ļo̧k ijo iaar lo juon em̧m̧aan ilo wintō eo. Eaar em̧m̧an reitok in mejen. Iaar iak-iakwe e innām eaar jino kajjitōk ejja kain kajjitōk ko wōt.
Innām eaar kajjitōkin eō, “Ewōr ke am iien?” Iaar ba aaet.
Eaar kwaļo̧k bwe Lake Erie im Ontario im, laļļo̧k, Hudson Riva raar pād ijin.
Ilo kar 1800 eo raar pepe n̄an kōm̧m̧ane juon iaļen ito-itak ioon dān jen eria eo, kaetok ļo̧k kōn 300 m̧aiļ (480 km) n̄an tōpar Huson Riva. Eaar juon m̧akūtkūt eļap ilo tōre eo, im raar maron̄ pedepd wōt ioon jerbal ko an aolep.
Palmyra eaar juon jikin jerbal. Rikkal ro reaikuji armej ro rekapeel, technicians, baam̧le ko, im ro m̧ōttaer. Elōn̄ armej raar juon itok jen pukōn ko, im jikin ko retto ļo̧k, n̄an jerbal
Menin eaar juon iien ekwojarjar kōnke iaar lo jon̄an obrak eo. Raar bōktok m̧anit im tōmak ko aer. Ke ej kwaļo̧k tōmak ko aer, kōļmenļo̧kjeņ eo aō eaar meramme mej ko meja ilo jetōb raar peļļo̧k jen Anij.
Ilo tōre en, ij m̧eļeļe wāween an pein Anij Jemed, ilo jeļāļo̧kjeņ eo An eļap, kar kepooj karōk eo An kōn juon jikin n̄an bōktok ļaddik eo edik Josep Smith, likūt e io̧lepen lōkapokpok ko an kabun̄ ko, kōn ijo, ilo Cumorah, pileij ko raorōk kōn Bok in Mormon kar kallibini.
En̄in kar jikin Jepļaaktok eo, ijo ainikien Jemed eaar waļo̧k ālkin enan̄in taujin iiō ko ilo juon visōn eaiboojoj, kōnono n̄an ļaddik eo Josep Smith, ke eaar etal n̄an Bukun Wōjke ko im jar im kar ron̄: “En̄in ej Nejū Jitōn Bōro. Ron̄jake E!”1
Ijo eaar lo ruo armej ro, ro meram im aiboojoj eo aer eaar eļļāļo̧k jān aolep wāween kōmmeļeļe. Aaet, Anij eaar kwaļo̧k Emake n̄an armej. Maroklep eo me eaar pinej laļin eaar jako.
Kanaan ko kōn Jepļaaktok eo eaar jino kūrmool. “Im iar lo bar juon enjeḷ ej kāke i mejatoto, im ippān gospel ej indeeo, bwe en kwaḷọk e ñan ro rej jokwe ioon laḷ, im ñan aolep kain armej, bwij, kajin, im aelōñ.”2
Ilo jejjo̧ iiō ko, Josep kar tōl ļo̧k n̄an reko̧o̧t in Kanaan ko, bujen ko, im kain̄i ko kar likūti jen rikanaan ro ad etto, rejitenbōro ilo Bok in Mormon.
Kabun̄ eo an Jisōs Kraist eban kar jepļaaktok eļan̄n̄e ejjeļo̧k gospel eo indeeo waļo̧k ilo Bok in Mormon āinwōt bar juon kallim̧ur in Jisōs Kraist, em̧m̧ool Nejin Anij, Lam an Anij, eo eaar bōk ļo̧k jero̧wiwi ko an laļ.
Kraist eaar ba n̄an armej ro An ilo Jerusalem:
“Im bar jet aō sip, rejjab jān wōrwōr in.”3
“‟N̄a seperd em̧m̧an,im Ijeļā ro Aō, im ro Aō rejeļā N̄a.”4
Ke ij em̧akūt jen Whitmer farm, Ijjab keememej in kar ba iakwe. Ij keememej an wōt ļo̧k dānin kōmjaļļalļ jen meja. Ij keememej an wōt ļo̧k dānin kōmjaļļalļ jen meja. Aļ eaar aiboojoj romaakin.
Kōn būrwōn lan̄lōn̄ eo ilo būruwō im aenōm̧m̧an eo ilo aō. Iaar obrak kōn kam̧m̧oolol.
Kiiō ij meļeļe etke. Bar juon alen Irooj ej letok n̄an eō jeļo̧kjeņ im meram.
Ālkin tūreep eo ļo̧k n̄an kapijuknen, jeje ko raar ioktok wōt kōļmenļo̧kjeņ eo aō: bwe kallim̧ur ko kar kōm̧m̧ani n̄an Jemed Ebream bwe ineen aolep baam̧le ko an ioon laļin naaj jeram̧m̧an. 5
Im bwe menin, tampeļ ko naaj jutak bwe kajoor eo ekwojarjar maron̄ in leļo̧k ioon aolep armej bar juon alen ioon laļin bwe baam̧le ko maron̄ in ippān doon, jab jem̧ļo̧k wōt ilo mej ak ippān doon eo indeeo.
“Im ilo raan ko āliktata, naaj kapen ioon to̧l im̧ōn Jeova bwe enaaj ļap ļo̧k jān aolep toļ ko, im naaj koutiej e ilōn̄in toļ ko reddik im ro riaelōn̄ ko renaaj to̧o̧rļo̧k n̄an e.”6
Eļan̄n̄e kwe eo kwoj ron̄ ainikiō im ewōr jabdewōt kajjitōk ilo būruwōmi, jab ebweer!
Ij kūr kom̧ n̄an lo̧o̧r waanjon̄ok eo an Rikanaan Josep Smith ke eaar riit iloJemes 1:5, “Eļan̄n̄e jabdewōt iaami ej aikuj mālōtlōt, en kajjitōk kōn e ippān Anij, eo Ej wūjlep ñan armej otemjej, im jab eṇọuk kake, im Enaaj leḷọk ñan e.”
Ta eo eaar waļo̧k ilo Cumorah eaar juon m̧ōttan Jepļaaktok eo eaorōk, ke Josep Smith eaar būki pileej ko kōn Bok in Mormon. Bok in ejipan̄ kōj epaakeļo̧k Kraist ijeļo̧kin jabdewōt bok ioon laļ in.7
Ij kam̧ool bwe Irooj eaar kūr rikanaan ro, rilolo ro, im ribōk revelesōn ro n̄an tōl aelōn̄ in kiin̄ eo An ilo raan kein āliktata im ilo karōk eo An indeeo an baam̧le ko rej aikuj n̄an indeeo. Ej kea kōn ajri ro Nejin. Ej uwaaki jar ko ad.
Kōn iakwe eo An eļap, Jisōs Kraist eaar en̄taan kōn jerawiwi ko ad. E ej Rilo̧mo̧o̧ren laļ Ij kam̧ool menin ilo etan Jisōs Kraist, amen.