Ch’utlajik re tiik ruhil k’a’uxlej

Q’axtesinb’il xb’aan li Awa’b’ej Henry B. Eyring

Xkab’ aj tenq’ aj k’ehol na’leb’ sa’ li Xb’eenil Awa’b’ejil

Ex was wiitz’in, li Awa’b’ej Nelson xpatz’ we naq tinb’eresi li k’anjel re li ch’utlajik re tiik ruhil k’a’uxlej ok qe chi tz’aqonk wi’ anajwan.

A’an a’in jun k’anjel nim xwankil choq’ reheb’ li komon re Lix Iglees li Jesukristo reheb’ laj Santil Paab’anel sa’ Roso’jikeb’ li Kutan chiru chixjunil li ruchich’och’.

Chalen chaq li 10 xb’e li po octubre, 1880, naq laj John Taylor kixaqab’aak xwankil re taa’ok choq’ profeet, aj ilol na’leb’, ut aj k’utb’esinel ut Awa’b’ej re Lix Iglees li Jesukristo reheb’ laj Santil Paab’anel sa’ Roso’jikeb’ li Kutan chirix xkamik laj Brigham Young, li junjunq chi k’anjel a’in nawb’il ru jo’ jun ch’utlajik re tiik ruhil k’a’uxlej re li Iglees re xyaab’asinkil lix yaab’ xkux li Iglees.

Taqaxaqab’ xwankileb’ laj jolominel sa’ li junjunq molam ut ch’uut. Yalaq ta b’ar wankex, b’oqb’ilex chi xaqliik ka’ajwi’ naq patz’b’il eere xtaqsinkil lee ruq’ naq nekexxaqab’ xwankil li ani yaab’asinb’ilaq xk’ab’a’. Ka’ajwi’ teetaqsi lee ruq’ naq b’oqb’ilex chi xaqliik.

Eb’ li Jolomil aj B’eresinel li wankeb’ sa’ li Tabernaculo malaj li Ch’utleb’aal Kab’l sa’ li Manzana re li Templo te’rileb’ li xaqab’ank na’uxman aran. Sa’eb’ li ch’utleb’aal kab’l re oqech, jun komon re li awa’b’ejil re li oqech taaril li xaqab’ank aran. Wi wan anihaq li ink’a’ naxxaqab’ xwankil junaq li yaab’asinb’il xk’ab’a’, a’an taa’aatinaq raj rik’in li awa’b’ej re oqech sa’ li oqech wan wi’.

Anajwan taatiklaaq li k’anjel. K’ehomaq wi’chik reetal, chexxaqliiq ut chetaqsi lee ruq ka’ajwi’ naq patz’b’ilaq eere.

Naqapatz’ naq che’xaqliiq eb’ li komon sa’ li Xb’eenil Awa’b’ejil.

Tz’aamanb’il naq li Xb’eenil Awa’b’ejil te’xxaqab’ xwankil laj Russell Marion Nelson choq’ profeet, aj ilol na’leb’, ut aj k’utb’esinel ut Awa’b’ej re Lix Iglees li Jesukristo reheb’ laj Santil Paab’anel sa’ Roso’jikeb’ li Kutan.

Eb’ li komon sa’ li Xb’eenil Awa’b’ejil li neke’k’ulub’an re, che’ruuq chixk’utb’esinkil.

Tz’aamanb’il naq li Xb’eenil Awa’b’ejil te’xxaqab’ xwankil laj Dallin Harris Oaks choq’ xb’een aj tenq’ aj k’ehol na’leb’ ut laj Henry Bennion Eyring choq’ xkab’ aj tenq’ aj k’ehol na’leb’ sa’ li Xb’eenil Awa’b’ejil re li Iglees.

Eb’ li komon sa’ li Xb’eenil Awa’b’ejil li neke’k’ulub’an re, che’ruuq chixk’utb’esinkil.

Tz’aamanb’il naq li Xb’eenil Awa’b’ejil te’xxaqab’ xwankil laj Dallin Harris Oaks choq’ Awa’b’ej re lix Molameb’ li Kab’laju chi Apostol ut laj Melvin Russell Ballard choq’ li ruuchil li Awa’b’ej re lix Molameb’ li Kab’laju chi Apostol.

Eb’ li komon sa’ li Xb’eenil Awa’b’ejil li neke’k’ulub’an re, che’ruuq chixk’utb’esinkil.

Tz’aamanb’il naq li Xb’eenil Awa’b’ejil te’xxaqab’eb’ xwankil choq’ komon sa’ lix Molameb’ li Kab’laju chi Apostol: laj M. Russell Ballard, Jeffrey R. Holland, Dieter F. Uchtdorf, David A. Bednar, Quentin L. Cook, D. Todd Christofferson, Neil L. Andersen, Ronald A. Rasband, Gary E. Stevenson, Dale G. Renlund, Gerrit Walter Gong, ut Ulisses Soares.

Eb’ li komon sa’ li Xb’eenil Awa’b’ejil, che’ruuq chixk’utb’esinkil.

Tz’aamanb’il naq li Xb’eenil Awa’b’ejil te’xxaqab’ xwankileb’ li tenq’ aj k’ehol na’leb’ sa’ li Xb’eenil Awa’b’ejil ut lix Molameb’ li Kab’laju chi Apostol choq’ profeet, aj ilol na’leb’, ut aj k’utb’esinel.

Eb’ li komon sa’ li Xb’eenil Awa’b’ejil, che’ruuq chixk’utb’esinkil.

Naru te’chunlaaq li Xb’eenil Awa’b’ejil.

Naqpatz’ re li Elder Gong ut li Elder Soares naq te’chalq sa’ xna’ajeb’ sa’ xyanqeb’ lix Molameb’ li Kab’laju.

Che’xaqliiq ka’ajwi’ eb’ li komon sa’ lix Molameb’ li Kab’laju chi Apostol, a’an ajwi’ li Elder Gong ut li Elder Soares.

Tz’aamanb’il naq lix Molameb’ li Kab’laju chi Apostol te’xxaqab’ xwankil laj Russell Marion Nelson choq’ profeet, aj ilol na’leb’, ut aj k’utb’esinel ut Awa’b’ej re Lix Iglees li Jesukristo reheb’ laj Santil Paab’anel sa’ Roso’jikeb’ li Kutan, rik’ineb’ ajwi’ lix tenq’ aj k’ehol na’leb’ ut li komon sa’ lix Molameb’ li Kab’laju chi Apostol jo’ ak yeeb’ileb’ resil ut jo’ ak xaqab’anb’ileb’ xwankil xb’aan li Xb’eenil Awa’b’ejil.

Eb’ li komon sa’ lix Molameb’ li Kab’laju chi Apostol li neke’k’ulub’an re, che’ruuq chixk’utb’esinkil.

Naru texchunlaaq.

Naqapatz’ naq che’xaqliiq eb’ li Jolomil aj B’eresinel aj Setenta ut eb’ li komon sa’ li Obispil aj Jolominel.

Tz’aamanb’il naq chixjunileb’ li Jolomil aj B’eresinel aj Setenta ut eb’ li komon sa’ li Obispil aj Jolominel te’xxaqab’ xwankil laj Russell Marion Nelson choq’ profeet, aj ilol na’leb’, ut aj k’utb’esinel ut Awa’b’ej re Lix Iglees li Jesukristo reheb’ laj Santil Paab’anel sa’ Roso’jikeb’ li Kutan, rik’ineb’ ajwi’ lix tenq’ aj k’ehol na’leb’ ut li komon sa’ lix Molameb’ li Kab’laju chi Apostol jo’ ak yeeb’ileb’ resil ut jo’ ak xaqab’anb’ileb’ xwankil xb’aan li Xb’eenil Awa’b’ejil.

Chixjunileb’ li Jolomil aj B’eresinel aj Setenta ut eb’ li komon sa’ li Obispil aj Jolominel li neke’k’ulub’an re, che’ruuq chixk’utb’esinkil.

Naru texchunlaaq.

Naqapatz’ naq che’xaqliiq, yalaq ta b’ar wankeb’ sa’ ruchich’och’, chixjunileb’ li Setenta re Area, eb’ li yuwa’b’ejil aj k’anjel, eb’ li taqenaqil aj tij, ut eb’ li elder.

Tz’aamanb’il naq taaxaqab’aaq xwankil laj Russell Marion Nelson choq’ profeet, aj ilol na’leb’, ut aj k’utb’esinel ut Awa’b’ej re Lix Iglees li Jesukristo reheb’ laj Santil Paab’anel sa’ Roso’jikeb’ li Kutan, rik’ineb’ ajwi’ lix tenq’ aj k’ehol na’leb’ ut li komon sa’ lix Molameb’ li Kab’laju chi Apostol jo’ ak yeeb’ileb’ resil ut jo’ ak xaqab’anb’ileb’ xwankil.

Chixjunil li neke’k’ulub’an re, che’ruuq chixk’utb’esinkil.